Bertsoak - Fitxa ikusi   Atal honi buruz gehiago jakiteko

2010-04-23 Oiartzun Sariketa [Bertsoa] / Arkaitz Goikoetxea, Alaia Martin

Informazio orokorra

Kategoria
Bat-batekoa
Aldizkako Ekitaldia (Saioarena)
Oiartzungo Bertsolari Txapelketa (15. 2010. Oiartzun)
Saioa
2010-04-23 Oiartzun Sariketa
Gai-emailea
Azurmendi, Oroitz
Bertsolariak / Egileak
Goikoetxea, Arkaitz
Martin, Alaia
Lana
Binaka gaia-emanda
Jarritako gaia
Gerra zibilean hil zuten zuen aitona. Gaur, hainbeste urteren ostean, bera eta beste zenbait lagun lurperatu zituzten lekua aurkitu eta beraien gorpuak ateratzen ari dira. Amona ere aurrean duzue, malkoei ezin eutsita.

Deskribapena

Doinua
Aresoarren bandera
Neurria / Estrofaren izena
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2010-04-23 Oiartzun Sariketa [Bertsoa] / Arkaitz Goikoetxea, Alaia Martin

Neurria:  Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip) 
Kokapena:  XDZ - Xenpelar Dokumentazio Zentroa 


A. Goikoetxea:

Astuna izan da katea
astunagoa kaltea
errexa dugu esaten baina
zaila jasatea.
Amonaren aldartea
aurpegi malkoz betea
gaur heldu zaio hainbeste urtetan
falta zun bakea. (bis)


A. Martin:

Hilen zerrenda lodia
mila hil ta eroria
zulo hau bihur liteke minen
gure hilobia.
Nahiz erail historia
bilatzen dugu ongia
hil ez ziguten gauza bakarra
baita memoria. (bis)


A. Goikoetxea:

Amona ez zegon lasai
ez zen aguantatzeko gai
ta haren hitzak adieraztea
besterik ez dut nahi:
“Ene zenbat denbora zai!
Eta ailegatu da bai!”
Hala esan du: “ Gaurtik aurrera
hil naiteke lasai!”. (bis)


A. Martin:

Joan zen gure artetik
bizitzaren ametsetik
baina bizirik mantendu dugu
denboran gainetik.
Amonai beira hemendik
argi ikus dezaket nik:
amona hobi hontan egon da
aitona hil zenetik. (bis)


A. Goikoetxea:

Gure amonaren antsia
bizitza lutoz jantzia
errespetua adierazteak
badu garrantzia.
Aurrera doa bizia
eskutan dugun guzia
gure lana da hor ereitea
aitonan hazia. (bis)


A. Martin:

Bazuen nahiko bertute
umiltasunaren truke
bere borrokan abiatu zen
badakigu guk’e.
Nahiz pasatu hainbat urte
pasa mila min, ezuste
seme-alabek beren ametsak
beteko dituzte. (bis)

Datu-base honetan eskainitako informazioari buruz jakiteko, kontsultatu lege oharra