BDB Bertsolaritzaren datu-basea

Informazio orokorra

Kategoria

Bat-batekoa

Saioa

2000-09-13 Bermeo Jaialdia

Gai-jartzailea

Mandaluniz, Bernardo

Bertsolariak / Egileak

Lopategi, Jon

Lana

Bakarka gaia-emanda

Jarritako gaia

Azpillagak plazetan egin dituen berrogeita hamar urteetatik, hainbat ibili zara zu beragaz, Jon. Hor bitartean izen diren joan-etorrietan egongo da zer berezirik kontatzeko.

Deskribapena

Doinua

Elizan sartu ziradenian A

Neurria / Estrofaren izena

Zortziko handia (hg) / Lau puntuko handia (ip)

Edukiari buruz

Pertsonak

Azpillaga, Jon

Lopategi, Jon

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2000-09-13 Bermeo Jaialdia [Bertsoa] / Jon Lopategi

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

Zelebrekeri asko izan gendun
bertsoaren inguruan,
Euskal Herriko plazetan eta
bardintsu estranjeruan;
behin Parisera joan-da gauean
Lidora sartzerakuan,
rusoak ginen itaundu euskuen
gure euskera entzundakuan.

Urrunago be ibili ginen,
Ameriketan hain zuzen,
New York, Washinton, Kalipornian,
Elko, Nevadan ta Boisen;
eta Azpillaga hango emakume
danen atrazinoa zen;
bat kumunera sartu jakon behin
ta kosta ganetik kentzen.

Mantendu barik gizona ez da
sendo ta eder egoten;
neurri bat eukan edarietan,
ez hainbestekoa jaten;
bertso-apari bat genduenean
halako herriren baten,
etxian janda joaten zan baina
ez eutsan inork igarten!