Bertsoak - Fitxa ikusi Atal honi buruz gehiago jakiteko
2000-07-25 Donostia Jaialdia [Bertsoa] / Joxe Agirre, Imanol Lazkano
Bertsoa entzun |
2000-07-25 Donostia Jaialdia [Bertsoa] / Joxe Agirre, Imanol Lazkano
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Lazkano:
Gauza zahar horiek mejoratzea
nahi digute aidanean;
horregatikan ari dirade
nahiko serio lanean,
garrantzitsuak izan baiziran
gu gazteak ginanean,
prexintatuta eduki arren
gehiena behar zenean.
J. Agirre:
Errota zaharrak konpondu eta
jarritzea aukerako,
nere ustetan ez da izango
inorentzat kalterako.
Gazte denboran ogia ez zan
orain daukagun erako,
hoeta bi urte izango nitun
nik nahikua jaterako!
Lazkano:
Gure aurreko aiton zahar haiek
jarri zituzten egoki
hamaika erreka! bazter politak
izanikan bizitoki;
bainan gu haurrak ginan garaian
nozitu genun ederki,
Franco aluak agintzen baitzun
noiz itxi ta noiz iriki.
J. Agirre:
Garai haietan Patxi ez zegon
hain jenio ondraduan,
jokatzen zuen Euskadin aurka
deabru baten graduan!
Geure laborea eraman ta
multa pagatu genduan...
Aizu, Lazkano, holakorikan
ezagutu al zenduan?
Lazkano:
Garai harretan familirikan
inork ezin zun mantendu;
hura pentsatzen hasitze hutsak
negargurea ematen du!
Oraindik ere orduko gaitza
guk ezin degu aldendu;
ogi pixka bat eman digute
bainan gauza asko kendu.
J. Agirre:
Gauz danetatik ez gabiltza ez
gu zorion ugarian;
oain ere sarri penaren kargak
ia behera erorian;
hemen ez dago aukera haundirik
artuan eta garian
eta errotak arreglatutzen
laboreik ez dan garaian!
Lazkano:
Nolabait ere kanpo-herritikan
nahi baigaituzte kontrola,
txupatzen dute gure izardia,
baita ere gure odola;
herri bat izan nahi degu eta
ezin eskura inola;
esango nuke oraindik ere
Franco bizirik dagola.
J. Agirre:
Horregatikan degu bizitzan
horrenbeste buruhauste,
nahiz ta Patxiko bizi danikan
inortxok ez degun uste;
aspaldi hontan frankokumeak
indarrak hartu dituzte
eta bildur naiz: hoiek bizirik
gu laiste jango gaituzte!
Datu-base honetan eskainitako informazioari buruz jakiteko, kontsultatu lege oharra