Bertsoak - Fitxa ikusi   Atal honi buruz gehiago jakiteko

2002-08-07 Aia Jaialdia [Bertsoa] / Andoni Egaña

Bertsoa entzun  

Informazio orokorra

Kategoria
Bat-batekoa
Saioa
2002-08-07 Aia Jaialdia
Gai-emailea
Lizaso, Sebastian
Bertsolariak / Egileak
Egaña, Andoni
Lana
Bakarka gaia-emanda
Jarritako gaia
Ardo on eta preziatuz betetako ardo botila bat haiz hi. Urte askotan hor eduki haute sotoan, eta gaur zabaldu haute.

Deskribapena

Doinua
Aita izena kanta beharrak
Neurria / Estrofaren izena
Hamarreko handia (hg) / Bost puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2002-08-07 Aia Jaialdia [Bertsoa] / Andoni Egaña

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Etzanda bapo egon ondoren
berrogei urten barrena
orain zutikan ibili naute
bukatu zait atsedena
ospakizun bat dala medio
horra misterio dena
ni izandu naiz nagusiaren
ardorikan onduena
aita egin zen egunean'e
iriki ez ninduena. (bis)

Realak liga irabazi zun
ta bazan nahiko aitzaki
Laiseka tourren gailendu zan ta
izan zun duda galanki
gerora berriz izan zituen
bi-hiru biloba txiki
eta barruan eduki arren
hainbat duda ta irriki
nagusi jaunak ezergatikan
ez nau gaur arte iriki. (bis)

Nagusi jauna alargundu zen
hala ere ni sabaian
gaur rubia bat ekarri ez du ba
ilusioen usaian!
Eta huraxe konkistatzeko
"pufa" ireki nau mahaian
ni maitasunez bete ninduten
bete ninduten garaian
ta orain berriz hustuko naute
maitasuna lortu nahian. (bis)

Datu-base honetan eskainitako informazioari buruz jakiteko, kontsultatu lege oharra