Bertsoak - Fitxa ikusi Atal honi buruz gehiago jakiteko
2002-09-06 Donostia Jaialdia [Bertsoa] / Jon Maia
2002-09-06 Donostia Jaialdia [Bertsoa] / Jon Maia
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Nere alaba zinez maite det
bera dugu erregina
gure etxera sartu zenetik
gure txiki poxpolina.
Orain bainatzen ari naizela
hau da barrengo ezina!
Hainbeste kasu eta tratu txar
gizaki txarrek egina...
Ur pixkatekin ez da garbitzen
hoien eskuko zikina! (bis)
Gure alabak bainu orduan
egiten ditun irriak!
Une hoietan pizten zaizkigu
aitai ta amai begiak
baina irratian entzuten ditut
gure munduko egiak
oso aurrera ezin du egin
gizaki ta gizadiak
besten larrutan uzten badira
norberaren miseriak. (bis)
Gure alaba hazten ari da
egunez egun poliki
baina munduan kanpoan zer den
oraindik ezer ez daki
eta gainera munduratzea
ez du berak erabaki
nere bihotza izan dadila
bere geroko lubaki
eta haundia zaren artean
egin zazu parre beti. (bis)
Datu-base honetan eskainitako informazioari buruz jakiteko, kontsultatu lege oharra