BDB Bertsolaritzaren datu-basea

Informazio orokorra

Kategoria

Bat-batekoa

Saioa

2002-12-13 Bilbo Jaialdia

Gai-emailea

Angoitia, Sebas

Bertsolariak / Egileak

Peñagarikano, Anjel Mari

Lana

Bakarka gaia-emanda

Jarritako gaia

Orain dela hogeita bost urte zure buruan zer pentsamendu, zer asmo, zer esperantza ote zegoen?

Deskribapena

Doinua

Santa Barbara zure bizitza A

Neurria / Estrofaren izena

Hamarreko handia (hg) / Bost puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2002-12-13 Bilbo Jaialdia [Bertsoa] / Anjel Mari Peñagarikano

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

---

Orain hoita bost nik hogei neuzkan
ta nere ustez nabil zuzen.
Gogoan daukat: soldadu nengon
ta gainera Badajozen;
gaur bezelaxe argal-argala
ez potxoloa ta gizen;
"¡Firmes!" "¡Descanso!" ta " ¡A cubrirse!"
entzuten genuen ozen...
Denbora azkar doala baina
urtea mantso joan zen! (bis)

Ni han soldadu eta gainera
Franco xaharra hil berria
ta ikastolak sortu berriak
ta euskara armarria.
Pentsatzen nuen "Espainiari
hartu diogu neurria!
Belaxe libre izango gara
eta ase egarria".
Ai Anjel Mari lekutan dago
amestu zenun herria! (bis)

Pentsatzen nuen bertsolaria
noizbait izan nintekeela.
Nik Bizkaiako bati banion
ordun miresmen itzela.
Pentsatzen nuen "Kantatu nahi dut
Xabier horrek bezela";
nik uste nuen hoi pentsatzea
soil-soilik ametsa zela.
Poz bat badaukat: idolo haren
lagun haundia naizela. (bis)