BDB Bertsolaritzaren datu-basea

Informazio orokorra

Kategoria

Bat-batekoa

Saioa

2002-11-08 Hendaia Lagun-artekoa

Gai-emailea

Renteria, Txato

Bertsolariak / Egileak

Agirre Goia, Unai

Lizaso, Sebastian

Lana

Binaka gaia-emanda

Jarritako gaia

Zu, Unai, epaiketa izan duzun demoa zara. Lizaso, ama, etxean daukazu zain zu heltzean.

Deskribapena

Doinua

Haize hegoak hurbiltzen ditu

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2002-11-08 Hendaia Lagun-artekoa [Bertsoa] / Unai Agirre Goia, Sebastian Lizaso

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

U. Agirre:
Nik juizio bat nuen gaur ama
tokatu zaigu hartzea:
gasa bota ta atea itxi
hura zan hura trantzea!
Hola zergatik hartu gaituzten
zaila da esplikatzea
nik egin nuna kartel alu bat
euskeraz ere jartzea. (bis)
S. Lizaso:
Euskaran alde jokatzen dezu
beste askoren antzera
bide bakarra hori da eta
ez zazu egin atzera.
Epaiketa hori amaitu eta
berriro zatoz etxera.
Begiak gorri-gorri dituzu
negarrez jardun al zera? (bis)
U. Agirre:
Epaitegira eraman naute
eta gertatu da marka
gu babestera iritsi baita
hara kuadrila aparta.
Pake bidean gindoazen ta
ikusi degu galanta!
Negarrik ez det gaur egin baino
motiborik ez zait falta. (bis)
S. Lizaso:
Lehenago ere biziak gara
hamaika holako istori!
Ta zure ama berriro ere
zalantzan menpe erori:
euskeran alde hitza entzuna
orain hautetsi askori
eta Demoak berriz egurtu
nola ulertzen da hori? (bis)
U. Agirre:
Nik esplikatu behar nizuke
lehenago guri pasia:
ia indarrik ez daukagula
horixe degu guzia;
hartu ta egurtu, egurtu ta jo
hori da hoien auzia...
Mingainetikan kendu nahi dute
zure altzoan ikasia. (bis)
S. Lizaso:
Hori ote da asko ta askok
berekin duten afana?
Horrela bada hartuko zuten
bai alferrikako lana.
Zuri mingainetikan kentzea
ahalegin ustela dana
bihotzeraino iristen baita
bularretik hartzen dana. (bis)