BDB Bertsolaritzaren datu-basea

Informazio orokorra

Kategoria

Bat-batekoa

Saioa

2003-12-21 Errenteria Jaialdia

Gai-emailea

Kazabon, Antton

Bertsolariak / Egileak

Goikoetxea, Arkaitz

Maia, Jon

Lana

Binaka gaia-emanda

Jarritako gaia

Norbaitek etxean garbiketa egin ondoren zaku berean elkartu zarete. Arkaitz Egunkariaren ale zaharra da. Jon, berriz, Berriaren ale bat.

Deskribapena

Doinua

Nere gogoa hegan dijoa

Neurria / Estrofaren izena

Zortziko handia (hg) / Lau puntuko handia (ip)

Edukiari buruz

Entitateak

Berria (Egunkaria)

Euskaldunon Egunkaria

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2003-12-21 Errenteria Jaialdia [Bertsoa] / Arkaitz Goikoetxea, Jon Maia

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

J. Maia:
Zakarrontzian elkartu gera
ni hemen nago ta zu hor
hona norbaitek bota zintuen
atsekabetua, ezkor
baina begira zure ondotik
hemen nago guztiz baikor
nere amaren antza dute ta
askoz politago nator.

A. Goikoetxea:
Kaixo laguna! Egin nahi dizut
nere tokitik omena
azken batean azaltzen baita
mundu honetan nor dena.
Madril aldetik emanagatik
ni ixiltzeko ordena
zorionean orain badakit
badudala ondorena.

J. Maia:
Ta biok pozik elkartu gera
euskaldun baten etxean
beraz penarik ezin sentitu
gu txokora botatzean.
Zu hemen zera oroitzapen bat
oroitzapen bat haizean
nik herri baten pisua daukat
nere letra bakoitzean.

A. Goikoetxea:
Bota ninduten saskira eta
nere izena eskastu
zu jaiotzea agintariek
ez omen zuten erraztu
orain omenak eta ospeak
ez beza bururik nahastu
eta mesedez nundik zatozen
sekula ez zazu ahaztu.

J. Maia:
Egia da bai ezin da ahaztu
inoiz iragan hurbilik
zure barnetik atera naiz ni
beraz zu ez zaude hilik.
Zakarrontzian zu ikusita
ezin naiz egon ixilik
marko batean behar zenuke
pareta baten zintzilik.

A. Goikoetxea:
Baina ez dira ongi ezkontzen
pareta eta papela
eguneroko berria dugu
jendearen erregela.
Jarrai ezazu kioskoetan
ni izan nintzen bezela
zuri eskerrak jakingo dute
Euskal Herri bat badela.

J. Maia:
Euskal Herria bizirik dago
hor ari zera esaten
horren kontrako hitzik ez daukat
hortik ez nau eramaten.
Ia zuk esan ezin zenduna
esaten dudan noizbaiten
bakea ere iritsi dela
Euskal Herri libre baten.

A. Goikoetxea:
Zenbaitentzako Euskal Herria
oraindik ez dago inon
gure eskeei ta aldarriei
ez die egin jaramon
asmo handiak dituk Berria
asmo handiegiak Jon
neronek ere hori nahi nuen
eta begira non nagon!