Bertsoak - Fitxa ikusi Atal honi buruz gehiago jakiteko
2003-11-08 Bilbo Berezia [Bertsoa] / Andoni Egaña, Igor Elortza
| Bertsoa entzun |
2003-11-08 Bilbo Berezia [Bertsoa] / Andoni Egaña, Igor Elortza
Neurria:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Kokapena:
XDZ - Xenpelar Dokumentazio Zentroa
A. Egaña:
Serio jarduteko gai
ere bagera nolanahi
gure aurrean horrenbeste hitz
musika eta jai.
Harrotasun sanoaz blai
Jon Sarasuak zion, ai:
ez gara inoren eredu baina
erreferentzi bai. (bis)
I. Elortza:
Inguratuta adiskidez
geure lekutik ekinez
mundura jauzi egin nahi dugu
ez txokora ihes.
Izanez ta izan minez
nondik gatozen jakinez
baina inorako beldurrik gabe
bidea eginez. (bis)
A. Egaña:
Zenbat irri, zenbat ezten
zenbat hornitu gaituzten!
Ta eurak ere gurekin zenbat
aberats litezkeen!
Denok batera abesten
etorkizuna amesten
gure herria denona baita
nahiz geurea ez den. (bis)
I. Elortza:
Munduak behar ditugu
munduak behar gaitu gu
ez dugu izan nahi ezeren buztan
ez ezeren buru.
Baina gauza bat seguru
bizitza dugu helburu
gure munduaz beste egiteko
asmorik ez dugu. (bis)
Datu-base honetan eskainitako informazioari buruz jakiteko, kontsultatu lege oharra