Bertsoak - Fitxa ikusi Atal honi buruz gehiago jakiteko
2003-10-26 Mungia Jaialdia [Bertsoa] / Jon Enbeita, Unai Iturriaga
| Bertsoa entzun |
2003-10-26 Mungia Jaialdia [Bertsoa] / Jon Enbeita, Unai Iturriaga
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
J. Enbeita:
Gaurko gazte hauekaz
badago bakoitzik
erantzuteko alaba
ia ez daukat hitzik.
Saltan zagoze biok
ez al dago hotzik?
Etxean kabitzen da
zuek bion gorputzik. (bis)
U. Iturriaga:
Lasai kanpoan ondo
emon dogu gaba
orain ezautu gura
gendun portalada.
Igor dauko izena
jakin bada ez bada
bestelakoa baina
hau be ehiztaria da. (bis)
J. Enbeita:
Hasieran senetik
egin nau atara
baina bihotzean jo
egin daust aldaba.
Alaba bizkorra da
ikusi da hara
ni baino ehiztari hobea
egin da alaba. (bis)
U. Iturriaga:
Gabaz ehiztari sena
jatenez gailendu
nere txori hau nahi dot
ondoan mantendu.
Ehiztari ona da ta
meritoik ez kendu
ze eskopeta daukon
jakingo bazendu! (bis)
J. Enbeita:
Ene alaba ez da
hain tontoa aitte
neuk ere izan neban
hainbeste egitte
baina gaurko giroa
ondo ikusitte
seguru han daukala
polbora bustitte. (bis)
U. Iturriaga:
Umoretsu heldu da
gure aita zaharra
polbora deuko berak
ardura bakarra.
Bustite dagoela
ez da arrazoi txarra
neuri be iruditu jat
bai umel samarra. (bis)
J. Enbeita:
Sinesten dautsut zala
nahiko umel samar.
Ibiliko zineten
kaleetan zehar
baina ez uste daunik
horrenbeste indar
tiro bat botateko
gaba dana behar. (bis)
U. Iturriaga:
Nire erantzunagaz
ez dau gustora oso...
Zer pasatu behar zan
jakin baleu atzo!
Hau tirolari ona
dugu hau aitatxo
Burgosera joan barik
hamaika kartutxo. (bis)
Datu-base honetan eskainitako informazioari buruz jakiteko, kontsultatu lege oharra