BDB Bertsolaritzaren datu-basea

Informazio orokorra

Kategoria

Bat-batekoa

Saioa

2003-10-04 Iurreta Jaialdia

Gai-emailea

Abasolo, Eneko "Abarkas"

Bertsolariak / Egileak

Lizaso, Sebastian

Peñagarikano, Anjel Mari

Lana

Binaka gaia-emanda

Jarritako gaia

Peña gaztea gaur gauean Iurretara etorri da litronak eskuan hartuta. Elizpean jezarri da, edaten hasi da, eta hor agertu zaio Lizaso munizipala.

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2003-10-04 Iurreta Jaialdia [Bertsoa] / Sebastian Lizaso, Anjel Mari Peñagarikano

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

A.M. Peñagarikano:
Etorri ez bazina
danontzat mesede
grazirik zuk ez duzu
egiten batere!
Hemen ez dut izan nahi
inoren titere
galerazia al dago
moskortzea ere? (bis)

S. Lizaso:
Galerazia balitz
zeuretzat mesede.
Bide txarretik dabil
bajina bat jende
jaiak etorri eta
litronaren mende...
Ez al dago jairikan
alkoholikan gabe? (bis)

A.M. Peñagarikano:
Beti egiten dugu
horren propaganda
tabernetan litronak
badauka demanda
baina harritzen nauzu
egia esanda:
zu ere ez zaude hola
Solares edanda! (bis)

S. Lizaso:
Arrazoiai eraso
hain dago aldrebes!
Gazte, gizalegean
mintzatu mesedez!
Zergatik litronakin
beti hartu babes?
Ez dezute ikusten
sentitu ere ez. (bis)

A.M. Peñagarikano:
Hau plaza librea da
hau ez da kaiola
eta oraindik sano
zainetan odola.
Edaten dut zerbeza,
ardo, Coca-Cola...
Oker banabil ere
zeini zer ajola? (bis)

S. Lizaso:
Zeini zer ajola hori
galdera hor otu
eta erantzun onik
nik ezin det sortu.
Gazteak gaizki dabiltz
behar dut aitortu:
askatasuna eskatu
alkoholari lotu. (bis)

A.M. Peñagarikano:
Ez duzu ezagutzen
egungo jendea
ez zaitez izan horren
kalamidadea!
Noski gaur gaztedia
dagola grabea
txarragoa da zure
mentalidadea. (bis)

S. Lizaso:
Ustez hizketan ez dut
gaztea huts egin
ta nere kontsejua
ez dezu atsegin.
Edan gabe arina
edan eta berdin...
Bizitza zeurea da
nahi duzuna egin! (bis)

A.M. Peñagarikano:
Gaztea ezin leike
kolpean zuzendu
eta neri litrona
orain nahi dit kendu.
Atzera dabilela
bera nabarmendu:
gure aitonak ere
hola hitz egiten du! (bis)

S. Lizaso:
Aitona izango da
arrazoian jabe
eta hobe gaztea
zu berdin bazeunde.
Gazterik erortzean
alkoholaren mende
zahartu egingo zara
gazte izan gabe. (bis)