Bertsoak - Fitxa ikusi Atal honi buruz gehiago jakiteko
2003-10-04 Usurbil Jaialdia [Bertsoa] / Jexux Mari Irazu Muñoa, Gregorio Larrañaga "Mañukorta"
| Bertsoa entzun |
2003-10-04 Usurbil Jaialdia [Bertsoa] / Jexux Mari Irazu Muñoa, Gregorio Larrañaga "Mañukorta"
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
J.M. Irazu:
Piper biltzera etorri
pentsatu horrela
pentsa udara latza
latza izandu dela.
Errez ikusi leike
beiratu ta bela:
Mañuk nik baino gehio
biltzen zituela.
Mañukorta:
Basarritar kontuak
gure zoramenak
horixe agintzen du
guk degun ahalmenak.
Zestuak ekarri'tugu
diran haundienak
errez batuko dira
aurten daudenak.
J.M. Irazu:
Ezin batua nunbait
gainera kostata
zakua betetzeko
kilo pila falta.
Angulak ez bezela
arazo galanta:
hoiek ez dira biltzen
saria pasata.
Mañukorta:
Basarritarrak gera
jator eta finak
baina gainditzen gaitu
nahi eta ezinak
gorri, berri, potolo
dira aldeginak
ta gelditu diranak
denak piperminak.
J.M. Irazu:
Pipermin pila nunbait
tartian nahasi
ezin genduelako
guk bestetan hasi.
Jende pila ingurun
gehiegi're kasi
baina ezkonberririk
ez degu ikusi.
Mañukorta:
Piperrak gutxi baina
gu gaude poztuta
sukaldaritza dana
ez degu ahaztuta
hala behar dala-ta
gauzak prestatuta
piperminak jango'itugu
angulak nahastuta.
J.M. Irazu:
Angula ez zazu jan
piperrak nahastuta
horrek gusto minbera
besterik ez du-ta.
Gerriko min galanta
azkenik hartuta
negua pasako det
potian sartuta.
Mañukorta:
Honera etorri gera
piperraren bila
hala behar bikoa:
indartsu, abila.
Pipar sarik ez dago
hau da hau umila
berriz'e jan beharko da
patata tortila.
Datu-base honetan eskainitako informazioari buruz jakiteko, kontsultatu lege oharra