Bertsoak - Fitxa ikusi   Atal honi buruz gehiago jakiteko

2004-02-20 Mutiloa Lagun-artekoa [Bertsoa] / Sebastian Lizaso, Anjel Mari Peñagarikano

Bertsoa entzun  

Informazio orokorra

Kategoria
Bat-batekoa
Saioa
2004-02-20 Mutiloa Lagun-artekoa
Gai-emailea
Garzia, Joxerra
Bertsolariak / Egileak
Lizaso, Sebastian
Peñagarikano, Anjel Mari
Lana
Binaka gaia-emanda
Jarritako gaia
Zergatik ez dakigula, eta are gutxiago zertarako, Sebastianek erabaki du eskopeta erabiltzeko baimena ateratzea. Aurreko probak egin ditu eta ahozkoa falta zaio. Eta, noski, munduan ez da Peña baino ehiztari hoberik, eta berarekin egingo du azterketa.

Deskribapena

Doinua
Kantatzera nijoa
Neurria / Estrofaren izena
Zortziko txikia (hg) / Lau puntuko txikia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2004-02-20 Mutiloa Lagun-artekoa [Bertsoa] / Sebastian Lizaso, Anjel Mari Peñagarikano

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 


A.M. Peñagarikano:
Aztertzen pasa nahi det
oraingo denbora
Sebastian ez zaitez
zu orain aztora.
Debekatua dago
bi tirotik gora...
bai al dakizu zer dan
errepetidora? (bis)

S. Lizaso:
Repetidora zer dan
nik badakit argi
eta esango dizut
hitz gutxitan garbi:
ehiztarien bidean
dut hainbat ausardi...
tiro bat aski dunak
zertako ditu bi? (bis)

A.M. Peñagarikano:
Lehen eman didazu
erantzun itzela
orain ere erantzun
behar den bezela.
Nahiz ta jakin tiroa
bertikala dela
ba al dakizu zer den
kañoi paralela? (bis)

S. Lizaso:
Eskolan ikasi nun
oraindik gogoan...
galderakin ez zera
urrutira joan
eta esango dizut
nik zer dan behingoan:
bi kainoi ezarriak
elkarren ondoan. (bis)

A.M. Peñagarikano:
Ea uxatzen dezun
nik daukadan kezka.
Bata erantzuten ta
bestea galdezka
ondo jarria zaude
hor zalantzik ez da.
Orain esan zaidazu
zer dan superpuesta? (bis)

S. Lizaso:
Superpuesta zer den'e
ni nago entzuna
asko zabaldua da
horren oihartzuna;
elkarren gainean hor
jartzen da jarduna...
zuri ondo ikasten
kostatu zaizuna. (bis)

A.M. Peñagarikano:
Galdezka egiten det
makina bat saio...
erantzungo didazu
trebe eta iaio;
furtibo ibiltzen da
gaur bat baino gehio
garbantzuak ehizean
zeini deitzen zaio? (bis)

S. Lizaso:
Jakin-mina dezula
hain dago nabari
ta erantzuna behar
galderantzat sari:
ehiztarietan bada
garbantzu ugari
deitzen zaio tranpatan
ibiltzen danari. (bis)

A.M. Peñagarikano:
Oso ehiztari ona
da azpetiarra
guk hemen badaukagu
bai zure beharra!
Zozo bat ikustean
ez da itaun txarra
nola bereizten dira
emea ta arra? (bis)

S. Lizaso:
Orain sexu kontuan
al dago disputa?
Ni harritu egin naiz
hori galdetuta;
zaila da antzematen
hegan beiratuta
ta antzematen zaio
eskuan hartuta. (bis)

A.M. Peñagarikano:
Lege araudiaz ez da
bat'e ahantzia
ta bere erantzunak
badu garrantzia.
Ondo egin baituzu
nahi nuen guzia
aprobatu duzu ta
tori lizentzia. (bis)

S. Lizaso:
Jardun naiz galderari
hemen zuzen eusten
nahiz ta saiatu zeran
zu eskemak hausten
baina ikasle bat ez da
aizu hola uzten;
orain esan zaidazu
nun saltzen dituzten. (bis)

Datu-base honetan eskainitako informazioari buruz jakiteko, kontsultatu lege oharra