BDB Bertsolaritzaren datu-basea

Informazio orokorra

Kategoria

Bat-batekoa

Saioa

2004-06-08 Biarritz Jaialdia

Gai-emailea

Bidegain, Eneko

Hiribarren, Maialen

Bertsolariak / Egileak

Otamendi, Asier

Silveira, Xabier

Lana

Binaka gaia-emanda

Jarritako gaia

Palestinar eta israeldar gaztetxoak zarete. Elkarrekin jostatzen ari zaretela, sirena hotsa entzun duzue.

Deskribapena

Doinua

Haurtxo txikia negarrez dago I

Neurria / Estrofaren izena

Zortziko handia (hg) / Lau puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2004-06-08 Biarritz Jaialdia [Bertsoa] / Asier Otamendi, Xabier Silveira

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

As. Otamendi:
Pelota batekin gabiltza gu
zelai batean barrena
nik tira ta gero zuk itzuli
egin didazu hurrena
baina sirena hotsa hor dator
hau mina eta hau pena!
Gure jolasa amaitu da-ta
hasiko da beraiena.

X. Silveira:
Lehenengo tanke bat etorri da
ta atzetik berebila;
jeitsi dira, soldaduak denek
dute eskutan fusila.
Izugarria sirena hotsa
eta jende iskanbila...
nere aita da eta ea ez
datorren zeurean bila!

A. Otamendi:
Zure ta nire aita seguru
egongo direla larri
baina laguna eman nahi dizut
jolas berri baten berri:
ni Arafaten lekuan jarriz
ta zu Sharonenean jarri
lehendabiziko eman zaiogun
biok eskua elkarri.

X. Silveira:
Soldaduak aurrerantza doaz
eta gazteek harrika
erantzun diete ta kaleetan
zabaldu da ika-mika.
Ze jolas berri eta ze kristo
zaude eskuak utzita!
Hau ez da jolaserako unea
eta has zaitez korrika!

A. Otamendi:
Koldarra ez naiz ene laguna
zertan joan urrutira?
Haur baten irrifarrearekin
izango dute kupira
tankean aurrean geldi-geldi
geratuko naiz ni, tira;
tiratzen ez dira ausartuko
gizaki baldin badira.

X. Silveira:
Koldarkeria ta ausardia
dira gutxi gorabehera
zerbait neurtu dezakeguna
hilerrien arabera.
Egin korrika, egin mesedez
aurrera edo atzera
zeren bestela seguru egon
hemen geldituko zera!