Bertsoak - Fitxa ikusi   Atal honi buruz gehiago jakiteko

2004-12-08 Errenteria Sariketa [Bertsoa] / Beñat Lizaso, Julen Zelaieta

Bertsoa entzun  

Informazio orokorra

Kategoria
Bat-batekoa
Saioa
2004-12-08 Errenteria Sariketa
Bertsolariak / Egileak
Lizaso, Beñat
Zelaieta, Julen
Lana
Binaka gaia-emanda
Jarritako gaia
Zu, Beñat, dentistarengana joan zara hagin bat kendu nahian. Julen dentistak sano zegoen hagina kendu dizu.

Deskribapena

Doinua
Kantatzera nijoa
Neurria / Estrofaren izena
Zortziko txikia (hg) / Lau puntuko txikia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2004-12-08 Errenteria Sariketa [Bertsoa] / Beñat Lizaso, Julen Zelaieta

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 


B. Lizaso:
Aspalditik nenbilen
haginaren kexu
ta zuk behar ez dena
atera didazu.
Aizu, adarra jotzen
ari al zera zu?
Reklamazio orria
ekarri zaidazu. (bis)

J. Zelaieta:
Reklamazioari
egiozu aio.
Nahiz ta odontologia
naizen nahiko iaio
linterna mugitu zait
eta ze arraio!
Beraz egina dago
ta ze egingo zaio. (bis)

B. Lizaso:
Fundamentu haundirik
ez du erakusten.
Hala ere pakean
neri ez dit uzten.
Hain arraroa denik
ez diot irizten
altura hortatikan
ez zuen ikusten. (bis)

J. Zelaieta:
Lehenago ere egin'ttut
horrelako batzuk
nola denbora sobran
izango duzun zuk.
Behetikan goikoa
ondo ikusten dut
eta goiko guztiak
kenduko dizkizut. (bis)

B. Lizaso:
Intentzio ugari
daukazu gaurkoan
zurekin ezin leike
urrutira joan.
Berriz ez naiz jausiko
ni zure jokoan
jotzen baldin bazaitut
belarrondokoan. (bis)

J. Zelaieta:
Ez da hainbertzerako
lasaitu al zera?
Izena badut eta
hala den antzera;
benga, eseri berriz
ez egin atzera
minez ez zara eta
joango etxera. (bis)

Datu-base honetan eskainitako informazioari buruz jakiteko, kontsultatu lege oharra