Bertsoak - Fitxa ikusi Atal honi buruz gehiago jakiteko
2004-05-09 Abadiño Jaialdia [Bertsoa] / Jexux Mari Irazu Muñoa
| Bertsoa entzun |
2004-05-09 Abadiño Jaialdia [Bertsoa] / Jexux Mari Irazu Muñoa
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Oroitzapenan leihoa
maisu zaharrak ireki
barrura begiratu nahi
nuke poliki-poliki;
ona ta txarra bereizten
oroimenak ai, baleki!
Batzuetan nahasten ditu
gauz nahasia izaki
Franco, Primo de Rivera
ta Jesukristo aterki
gogoan daukat aurrean
izaten nitula beti
ikastolan belauniko
ez nintzan egon ederki...
denbora pasa da baino
oraindik ez gera jeiki.
Ez ziran ordu ederrak
motzak balira sikira!
Diktaduran ondorenak
eskolan erdi-erdira
relijio española
gero latigoa tira
behatz muturrak urratu
urratu kopetan jira...
Nolako oroitzapena
ai ahaztu izan balira!
Orduan ez zan mobilik
baina erlojua di-da
Franco, Primo de Rivera
joanak dira lur azpira
ta ni poztuko nitzake
berriz pizten ez badira.
Ezin belakoan ahaztu
urte ilunen itzala
burua aldatu nahian
gogotikan zebiltzala
kultura eta hizkuntza
bereiztu nahian ezpala
nunbait barrutikan eman
gure erantzun zitala.
Zerbait aldatu al da gauza?
galdetu nahi nuke hala
ordun klasean erderaz
agintzen zuten bezala
baina kanpoan euskeraz
hori zelako normala
ta orain konturatzen naiz
orain alderantziz dala.
Datu-base honetan eskainitako informazioari buruz jakiteko, kontsultatu lege oharra