Bertsoak - Fitxa ikusi   Atal honi buruz gehiago jakiteko

1999-03-19 Irun Jaialdia [Bertsoa] / Jon Maia

Bertsoa entzun  

Informazio orokorra

Kategoria
Bat-batekoa
Saioa
1999-03-19 Irun Jaialdia
Gai-jartzailea
Larretxea, Patxi
Bertsolariak / Egileak
Maia, Jon
Lana
Bakarka gaia-emanda
Jarritako gaia
Betidanik izan dituzu zakurrak gustuko eta etxean orain ere mordoa, mota guztietakoak dauzkazu. Gaur, kalean zoazela, zure aurrean ikusi duzu nola txakur batek ume bat harrapatu eta hil zorian utzi duen. Kontatu zure burutapenak.

Deskribapena

Doinua
Bizia ez da nehoiz egoiten
Neurria / Estrofaren izena
Hamarreko handia (hg) / Bost puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1999-03-19 Irun Jaialdia [Bertsoa] / Jon Maia

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Txakurra dala eta ez dala
aldatu zait umorea,
egia garbi, eman behar zaio
hemen bakoitzai berea.
Hor ikusi det eszena txar bat,
hori da pizti parea!
Segurtasuna segurtatzeko
ez al da askoz hobea?:
soka berean lotu behar dira
txakurra eta jabea. (bis)

Hor ikusi det ume gaizto bat
arnasa erdi itoa.
Azkenaldian zurrumurrutan
bete zaigu lapikoa.
Kate gogorra ala biguna,
ez al da jada nahikoa?
Piztia pizti izan da beti,
ez da gezurretakoa
eta piztiak zer egiten du?:
guk erakutsitakoa. (bis)

Debate hori berriro dago
gaurko plazaren erdian;
batzuk gezurrez ari dira ta
beste batzuek egian.
Arriskuren bat badagoela,
izan liteke agian.
Hipokresiak utzi ditzagun
ta jarri haien begian,
txakurrak lotu ditzagun baina
maitasunaren harian. (bis)

Datu-base honetan eskainitako informazioari buruz jakiteko, kontsultatu lege oharra