BDB Bertsolaritzaren datu-basea

Informazio orokorra

Kategoria

Bat-batekoa

Saioa

1999-07-30 Amasa-Villabona Jaialdia

Gai-jartzailea

Zeberio, Nikolas "Zeberio II"

Bertsolariak / Egileak

Egaña, Andoni

Irazu Muñoa, Jexux Mari

Lana

Binaka gaia-emanda

Jarritako gaia

Kasu honetan Egañak ez du inongo paperik, bertsolaria izango da eta, Irazu, berriz, okina. Bertso saioak bukatu eta Egaña etxeratzerako goizeko lau eta erdiak-bostak izaten dira. Ordu horretan, okina jaiki eta lanera abiatzen da. Ezkaratzean, zuen elkarrizketa.

Deskribapena

Doinua

Kantore berri xarmant batzuek

Neurria / Estrofaren izena

Zortziko handia (hg) / Lau puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1999-07-30 Amasa-Villabona Jaialdia [Bertsoa] / Andoni Egaña, Jexux Mari Irazu Muñoa

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

Egaña:
Bertso kantari hiru-lau egun
pasatzen ditut asteko,
kotxea hartu ta iluntzero
bihurtzen naiz erbesteko.
Kaixo okina, lan hau errexa
denik ez dezu usteko;
egitekoak egin ditut nik,
garaia da zu hasteko. (bis)

Irazu:
Antzekotasun haundikoa da
gure lanbide klase,
ordutegitan ni bezelaxe
aldrebes ibili zea;
bertso saiuan jarduna dezu,
bazendun nahiko haizea;
orain nik ase beharko diet
zuk utzitako gosea. (bis)

Egaña:
Munduan alde denak ditunik
nolatan ez degun inor,
hemen den-denok kejaren batzuk
badaduzkagu derrigor.
Ni festatikan etxe aldera
ta zu okindeira jator;
zu zapalduta ikusten zaitut,
ni legamituta nator. (bis)

Irazu:
Alde ederra daukagu biok
ez dago ez dudarikan,
diferentzia nabarmena da
zein izan litekeen bitan;
sarri askotan botako zendun
bezperako bertsorikan,
baina jendiak ez du gustoko
bezperako ogirikan. (bis)

Egaña:
Beste zedozer esango dizut
zure hitzek eraginda:
desberdina da bi ofiziok
beregan daukaten ginda;
nik bi hitz berdin bota ezkero
esaten dute "ezin da"
eta zu berriz luzitzen zera
denak berdinak eginda. (bis)

Irazu:
Berdintasunan alde txarrikan
ez zazula erabili,
hainbat gozamen ematen diet
hainbeste neska mutili;
zure dohaiak ere labean
bertsotan dira itzali,
zu integrala irtetzen zera
ta gatzik gabe itzuli. (bis)

Egaña:
Disimuloan gatzik gabea
deitu alajangoikoa!
Nere ustetan gaur arte nintzan
bertsolari puntakoa.
Ordu txikiak aurrera doaz,
hitzetik bada nahikoa;
nere ohera ta hi lanera
demonio zopakoa! (bis)

Irazu:
Zure kasoan gauz bera dira
zopako eta bezpera,
tabernatikan taberna zuk'e
ogi gisan ibilera.
Orain daukazun etorkizuna
desberdina baino bera,
bero-beroa egongo da ta
segi zaiozu labera. (bis)