Bertsoak - Fitxa ikusi Atal honi buruz gehiago jakiteko
1999-05-09 Itsasondo Jaialdia [Bertsoa] / Igor Elortza, Imanol Lazkano
| Bertsoa entzun |
1999-05-09 Itsasondo Jaialdia [Bertsoa] / Igor Elortza, Imanol Lazkano
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
I.Elortza:
Imanol, entzun duzu,
akatu gaituzte,
Lazkano:
bainan egia danik
ez zazute uste;
I.Elortza:
nik oraindik badauzkat
beste horrenbeste,
Lazkano:
hoiek berak bakarrik
luzitu nahi'tuzte.
Lazkano:
Besteak akabatu
berak ongi bizi,
I.Elortza:
gero joango zaizkigu
etxera ihesi;
Lazkano:
gizon normalak ez du
hoinbeste malezi,
I.Elortza:
nik ez dut ezer entzun,
ez ditut ikusi.
I.Elortza:
Horren gazte hiltzerik
ez nuen espero,
Lazkano:
hori ikusiko da
seguruna gero;
I.Elortza:
kortozirkuiton batek
hilko nindun edo,
Lazkano:
holako arriskuak
ditugu egunero.
Lazkano:
Arriskutikan libre
inor ere ez dago,
I.Elortza:
baina oraindik bizi
nahi nuke luzaro.
Lazkano:
Berak hilko dirade
seguru lehenago,
I.Elortza:
geuk eurak akatzea
ez al da hobeago?
I.Elortza:
Hauek ere ez dute
bizitza betiko
Lazkano:
eta ez ote dira
presaka hoiek hilko?
I.Elortza:
Alde bat ta bestera
baietz laister ito,
Lazkano:
bizita ere piura
ona ez dute eukiko!
Lazkano:
Batak tabakoa ta
besteak porrua,
I.Elortza:
Irazuk horrelaxe
eiten du korrua;
Lazkano:
erdi usteldurikan
daukate barrua,
I.Elortza:
hauei ere helduko
zaie azken ordua.
I.Elortza:
Eta gu geu ez gara
hiletara joango,
Lazkano:
nik behintzat ez diotet
propinik emango!
I.Elortza:
Familiai "sentitzen dut"
ez diot esango,
Lazkano:
hoien azkena ez da
txukuna izango.
Lazkano:
Bota nahi genituzten
taldetik kanpora,
I.Elortza:
baina gu laister igo
gara lepo gora;
Lazkano:
luze biziko gera
geuretzat mejora,
I.Elortza:
atzean konpontzea
hobe izango da.
I.Elortza:
Joan ta kokoteko bat
emango diegu,
Lazkano:
ordun entierrua
berehala degu;
I.Elortza:
ez dute uste baina
indartsu gaude gu,
Lazkano:
eta egingo degu
luzatzeko modu.
Lazkano:
Hoien entierrora
joan beharko da,
I.Elortza:
malkoak joango zaizkit
begitatik gora;
Lazkano:
aurki bukatuko da
orain duten moda,
I.Elortza:
neuk sartuko nituzke
gustora zulora!
Datu-base honetan eskainitako informazioari buruz jakiteko, kontsultatu lege oharra