BDB Bertsolaritzaren datu-basea

Informazio orokorra

Kategoria

Bat-batekoa

Saioa

1998-09-12 Zizurkil Jaialdia

Gai-jartzailea

Epelde, Imanol

Bertsolariak / Egileak

Agirre, Amaia

Sorozabal, Jokin

Lana

Binaka gaia-emanda

Jarritako gaia

Guadalajara espetxeko preso arrunta zaitugu zu, Amaia. Zu, Aitor, espetxeratu berri den Barrionuevo. Patioan jokatzen diren futbol partidu horietako batean Barrionuevo atezain jarri da eta Amaiak aurpegian bete-betean eman dio baloiarekin. Betaurrekoak hautsita eta begia more-more duela bukatu du partidua Barrionuevok.

Deskribapena

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1998-09-12 Zizurkil Jaialdia [Bertsoa] / Amaia Agirre, Jokin Sorozabal

Kokapena:  XDZ - Xenpelar Dokumentazio Zentroa 

---

A. Agirre:
Gure egoera gaurko honetan
ezin leike konparatu,
ez nuen gola sartu nahi eta
gola ez det bada sartu.

Mendiluze:
Jokuan hasi ta aurpegian
lehenengo baloia zuzen;
aizu Txikito kontuz ibili,
ez al dakizu nor naizen?

A.Agirre:
Honenbestean hasiko al da
gure arteko burruka?
Barka nik muturrean jo zaitut
aurpegirik ez dezu ta.

Mendiluze:
Zuk muturrean jo nauzu baina
ni nago leheno bezala;
lehendik jakina behar zenuen
azal gogorra dudala.

A.Agirre:
Kartzel kanpoan sortu izan dezu
makina bat enbarazu;
gure artera sartu izana
majo damutuko zaizu!

Mendiluze:
Amenazuka zatozkit baina
lasaitu zaitea, tira;
agian nere lagunak ere
laister etorriko dira.

A.Agirre:
Zure lagunak ekar itzazu,
egin ezazu mesede,
pitoik ez dezu ikusten eta
antiajuk jantzita ere!

Mendiluze:
Nik ez dedala asko ikusten
gaur ez al dago nabarmen?
Halere ondo ikusi nuen
hor zer lagun pila zeuden.

A.Agirre:
Oraindik ere aldrebes zabiltz,
hala hartu det tankera;
lagun ustetan hasi naiz baina
guztiak etsaiak gera.

Mendiluze:
Denak etsaiak omen gerala,
esaldi bete-betea;
badaezpada ere zuk eman dezu
lehendabiziko kolpea!

A.Agirre:
Kanpoan gisa ezin ibili
kartzela hontan oparo;
kartzelan denak zenbaki gera
ta zu ez zera gehiago.

Mendiluze:
Denak berdinak omen gerala,
alperrik zure esanak;
nik baezpada're nere alde ditut
uniformez dabiltzanak.

A.Agirre:
Zure lagunak omen dituzu
hainbeste uniformedun;
lehen etsai eta orain lagunak,
ea ulertu dezagun!

Mendiluze:
Esan nahi nuen nahiko seguru
nagoela espetxean
eta damutu egingo zaizu
ni hemendik irtetzean.

A.Agirre:
Kanpoan gisa gure aurrean
ez zabiltza horren trebe;
hemen etsaia izango zaizu
baita zure itzala ere!

Mendiluze:
Hori etsaia baldin badet nik
alda bedi derrepente!
Kanpoan ondo ikusi zenez
denak prezioa dute.