Bertsoak - Fitxa ikusi Atal honi buruz gehiago jakiteko
1998-11-27 Eibar Jaialdia [Bertsoa] / Igor Elortza
Bertsoa entzun |
1998-11-27 Eibar Jaialdia [Bertsoa] / Igor Elortza
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Gai serioa jarri dit honek,
iraultzaren abentura;
irla txiki bat munduan kontra
urteetan burrukatu da;
nahiz ta itzaltzen joan den apurka
hasierako lilura,
nahiz ta agian egunen baten
eroriko den putzura,
herri txikien harrotasuna
izango da beti Kuba. (bis)
Amerikarren mende munduak
bira egiten du txarto,
tarte txiki bat beharrezkoa
dugu utopiarako;
nahiz eta jakin han be badela
hainbat gose eta malko,
errespetu ta laudorio bat
Kubako herriarentzako,
adibide haundi bat baita Kuba
mundu osoarentzako. (bis)
Datu-base honetan eskainitako informazioari buruz jakiteko, kontsultatu lege oharra