Bertsoak - Fitxa ikusi Atal honi buruz gehiago jakiteko
1998-09-11 Donostia Jaialdia [Bertsoa] / Sebastian Lizaso, Maialen Lujanbio
Bertsoa entzun |
1998-09-11 Donostia Jaialdia [Bertsoa] / Sebastian Lizaso, Maialen Lujanbio
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
S.Lizaso:
Mutiko nintzen eta zinera
beste askoren moduan,
arratsaldeko hiru ta erditan,
heldurik ez zen orduan.
Urte batzuek igaro arren
oraindik daukat goguan,
pipa jaterik ez zegonean
buila ateratzen nuan. (bis)
Lujanbio:
Neronek ere pasatu nuen
pipa jatean bolada;
eta ai zeinen desatsegina
pipa-azalen kraskada!
Jolastu ere jolasten gendun
joku bitxi batetara,
pipa-azalekin punteria eginez
burusoilen dianara. (bis)
S.Lizaso:
Hamalau edo hamabost urte
ta gorputza indarrean;
larunbatetan parranda pixkat
noiznahi halabeharrean.
Filme politik ez zegonean
pantailan denon aurrean,
siesta galantak egiten nitun
disimulu ederrean! (bis)
Lujanbio:
Zinera buelta egindakoan
gu ez ginan gutxi pozten!
aritzen ginan negar batian
edo algaratan hausten.
Aizu Xebastian barkatu baina
ez zaitut gazte ikusten;
zure garaian muxuak ere
moztu egingo zituzten! (bis)
S.Lizaso:
Horrelakoak izaten ziran
goitik zetozten ordenak;
orduan ere nahi ta ezinak
berekin zituen penak;
muxu ematen saiatzen ginan
aukera hortan geundenak
eta muxuak mozten zituen
linternakin zetorrenak. (bis)
Lujanbio:
Gehienoi ere zine kontua
ez zaigu gutxi gustatzen!
aritzen ginan ta aritzen gera
xoxa apurrak gastatzen;
ta gaur debalde denak ai gera
filme bat interpretatzen:
Xebastian zuek eta ni, hara:
"euri azpian kantatzen". (bis)
Datu-base honetan eskainitako informazioari buruz jakiteko, kontsultatu lege oharra