Bertsoak - Fitxa ikusi   Atal honi buruz gehiago jakiteko

1998-05-23 Bilbo Jaialdia [Bertsoa] / Unai Iturriaga, Jon Maia

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Udaberriko Bertso Saioak (14. 1998. Bilbo)
Saioa
1998-05-23 Bilbo Jaialdia
Gai-jartzailea
Aurrekoetxea, Leire
Bertsolariak / Egileak
Iturriaga, Unai
Maia, Jon
Lana
Binaka gaia-emanda
Jarritako gaia
Zuk, Jon, abenduaren hamalauan, txapelketako finalean hain zuzen ere, alabaren logela jasotzen ari zinela maitasunezko eskutitz samur bat aurkitu zenuen. Gaur jakin duzu Unairi zuzendutakoa zela.

Deskribapena

Doinua
Erreguetan ari nintzela
Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1998-05-23 Bilbo Jaialdia [Bertsoa] / Unai Iturriaga, Jon Maia

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 


Maia:
Nere alabaren sentimentua
nengon ezin sinistua;
begia gorri jarri zitzaidan,
eztarriz gora txistua;
baina jakin det berri bat eta
argi gorria piztua;
bate espero ez den tokian
egoten da arriskua!

Iturriaga:
Zuretzat nahiko gogorra izan da
nirekin topo egitea,
nik hogeita lau urte badauzkat
ta bera hain da gaztea!
Itxura danez kolpez aldatu
zaizu aitatxo suertea;
egizu orain ordun ein zendun
literatura merkea!

Maia:
Literatura ta poesia
ez det egingo sekula,
zuk ez baitezu hori merezi,
azkar egin duzu burla.
Hala ta guztiz ez det onartzen
horrelako pelikula;
iruditzen zait poesiak'e
alde iluna badula.

Iturriaga:
Gogaikarria iruditzen zait
aita moderno papera;
barruan duzun padrazo hori
ez zazu orain atera!
Ikus gaitzazu zeure ohean,
ikus gaitzazu batera;
aita progre bat izan nahi zendun,
oraintxe duzu aukera.

Maia:
Bertsolariak izan dezake
jendeakin arrakasta;
ligatu nahia beti daukate,
badabil hamaika plasta!
Nere alaba hartu dezu ta
a ze nolako zaplasta!
Ta zu zer zera, progre haundi bat
edo igual pederasta?

Iturriaga:
Zure alabakin badaukat nahiko
maitasun ta amodio;
titiak hazi ta hilekoa
dauka likido jario;
zuk ez zendun nahi baina hegoak
jadanik hazi zaizkio
ta libre izan nahi dun txoriaz
kaiolak ez du balio.

Datu-base honetan eskainitako informazioari buruz jakiteko, kontsultatu lege oharra