Bertsoak - Fitxa ikusi Atal honi buruz gehiago jakiteko
1997-04-20 Gasteiz Sariketa [Bertsoa] / Asier Otamendi
| Bertsoa entzun |
1997-04-20 Gasteiz Sariketa [Bertsoa] / Asier Otamendi
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Amak eta biok bizitza oso
zaila dugu eramana,
hala ta guztiz hark niretzako
gogor egin zuen lana.
Gero mediku bihurtu nintzan
ta orain badaukat fama!
Ebaketa bat egin behar dut,
hau da tokatu zaidana,
mozkor zahar honi gibela aldatu,
egin beharko dut ahal dana. (bis)
Hogei urtetan ez da etorri
bisita bat egitera,
ume batentzat egoera hau
bene-benetan kalte da.
Emaitz onikan egingo ahal dut,
hementxe daukat aukera!
Nere aita zaharra dago aurrean,
ezin dut egin atzera,
gorrotoz eta negar malkotan
noa guraizak hartzera. (bis)
Aita, zu gabe gure bizitza
bihurtu zaigu kartzela,
gustora asko jarriko nizun
egunkarian eskela!
Ama ikusiz ezin batean
animatuz dabilela,
ebaketa hau egin behar dut
mediku on batek bezela,
zeren ezin dut ahaztu tipo hau
nere aita izan zela! (bis)
Datu-base honetan eskainitako informazioari buruz jakiteko, kontsultatu lege oharra