Bertsoak - Fitxa ikusi Atal honi buruz gehiago jakiteko
1997-09-13 Donostia Jaialdia [Bertsoa] / Jexux Mari Irazu Muñoa, Aitor Mendiluze
| Bertsoa entzun |
1997-09-13 Donostia Jaialdia [Bertsoa] / Jexux Mari Irazu Muñoa, Aitor Mendiluze
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
Irazu:
Aita ta ama dabiltza
Salou inguruan,
ta guk gaiztakeria
daukagu buruan.
Haien koartora sartu
modu seguruan,
miaka hasi armaio
ta kajoi barruan;
ba al dakizu kartera
nun gordetzen duan? (bis)
Mendiluze:
Gaur gela miatzeko
aukera aparta,
baina hortan hasi ta
lagun, hau da marka!
Galdetzen dezu "amak
kartera nun dauka?";
nik hori jakitea
baino ez zen falta!
Hori aitarentzat ere
sekretua da-ta. (bis)
Irazu:
Mesonotxan bilatzen
beharko da saia,
hemen hartua baitet
sekretu usaia;
kriston argazki pila
ikusita ia,
hemen dago neska bat
pilta, alaia,
hau ez da ba izango
aitan andregaia? (bis)
Mendiluze:
Hori ez izatea
aitarrentzat pena,
bainan benetan da hau
neskatxa lerdena;
nik inoiz konkistatu
dedan ederrena,
bera da argazkian
gaur azaltzen dena,
zuk kendu zenidala
pentsatzen nuena. (bis)
Irazu:
Nexka hori jarri zala
gu bion tartian,
zergatik hasi zara
hortan atakian?
Nork-ta aitak kenduko
nere aitzakian;
kartera bilatu det
almuhadapian,
gaupasa egitera
atera gaitian. (bis)
Mendiluze:
Gauzak gordetzen txarrak
dira nagusiak,
nunbait ez daude hortan
oso ikasiak.
Beraienak ez dira
altxor bereziak,
lehen ere baitauzkagu
ondo ikusiak,
txikitako argazki
hortera guziak. (bis)
Datu-base honetan eskainitako informazioari buruz jakiteko, kontsultatu lege oharra