Bertsoak - Fitxa ikusi   Atal honi buruz gehiago jakiteko

1997-05-10 Bilbo Jaialdia [Bertsoa] / Oihane Enbeita, Arkaitz Ugartetxea

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Udaberriko Bertso Saioak (13. 1997. Bilbo)
Saioa
1997-05-10 Bilbo Jaialdia
Gai-jartzailea
Aurrekoetxea, Leire
Gai-emailea
Iarritu, Zuriñe
Bertsolariak / Egileak
Enbeita, Oihane
Ugartetxea, Arkaitz
Lana
Binaka gaia-emanda
Jarritako gaia
Arkaitz ama izango da eta Oihane alaba. Alabak etxean Txernobilgo umeak hartu gura ditu, amak, ostera, ezetz dino.

Deskribapena

Doinua
Kantore berri xarmant batzuek
Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1997-05-10 Bilbo Jaialdia [Bertsoa] / Oihane Enbeita, Arkaitz Ugartetxea

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 


O.Enbeita:
Onartzekoa gaur ez da ama
zuk daukazun malizia,
erabat ona ez baita izan
ume haien esperientzia,
ta nik txikitu nahiko nukeenez
haiek duten desgrazia,
eskuak garbi nahi dituzu zuk
nik ordea kontzientzia. (bis)

Ugartetxea:
Jainkoak berak ere ez daki
gu zer gauden ikusteko!
Munduan gauzak gertatzen dira
zoritxarrean tarteko.
Txernobileko umeak datoz
herri hontan geratzeko,
zurekin ere nahikoa daukat
beste batzuek hartzeko. (bis)

O.Enbeita:
Baten lekuan bi hartzea gaur
omen dugu kontrastea,
nik argi daukat, zuk ez baina, gaur
pausu hori ematea.
Nahiz ta ez duzun laguntza eman
ta izatea maitea,
zuk ni zaintzeko jarrai ezazu,
nik zainduko dut bestea. (bis)

Ugartetxea:
Hemen bakoitzak defenditzen du
beti bere alderdia,
baina ordua heldu da eta
esan behar dut egia:
utzi ezazu orain bakean
Txernobileko herria,
anai txiki bat gura badozu
nik egingo dut berria. (bis)

O.Enbeita:
Zuk diozunez presturik zaude
beste anai bat sortzeko,
Txernobileko haiek ez baina
berri hori bai zaintzeko.
Hala ta guztiz alaba ez dago
prest holakoa onartzeko,
sabel hustuak nahikoa daude
oin beste bat betetzeko. (bis)

Ugartetxea:
Nere alaba jaio zitzaidan
oso kategorikoa,
oraindik ere mantentzen dabil
berak dakarren tipoa.
Seme txiki bat ekarriko dut
noizbaiten, alajainkoa!
Aitari baietz esatea da
horretarako nahikoa. (bis)

Datu-base honetan eskainitako informazioari buruz jakiteko, kontsultatu lege oharra