BDB Bertsolaritzaren datu-basea

Informazio orokorra

Kategoria

Ez bat-batekoa

Bertsolariak / Egileak

Alberdi, Uxue

Deskribapena

Izenburua

Konplize ditut eta...

Dokumentuan jasotako izenburua

Konplize ditut eta...

Dokumentuan jasotako bertsoaren hasiera

Emakume zuzenak, okerrak, kirtenak,

Doinua (txt)

Argira sortu nintzen

Bertso kopurua

6

Bertso dokumentu mota

Hemeroteka (Aldizkari eta Egunkariak)

Edukia

Interneten

http://www.argia.com/argia-astekaria/2317/konplizeak-ditut-eta

Kokapena

Kokapena

XDZ - Xenpelar Dokumentazio Zentroa

Argitalpen datuak

Argitalpenaren izenburua

Argia [Aldizkaria]

Liburukia / Urtea

75

Zenbakia

2317

Orrialdeak

26

Argitalpen / inprimatze data

2012-04-01

Konplize ditut eta... [Bertsoa] / Uxue Alberdi

Dokumentu-mota:  Hemeroteka (Aldizkari eta Egunkariak)  Argitalpenaren izenburua:  Argia [Aldizkaria] Argitalpen data:  2012-04-01 
Kokapena:  XDZ - Xenpelar Dokumentazio Zentroa 

---

I
Emakume zuzenak,
okerrak, kirtenak,
moja txintxoak eta
zerrama irtenak,
itsusiak, politak,
atletak, herrenak:
konplize ditut eta
maite ditut denak.
II
Langileak, alferrak,
lanik ez dutenak,
tuntunak, mediokreak,
klaseko lehenak,
ale desegokiak,
andre txit gorenak:
konplize ditut eta
maite ditut denak.
III
Ama onak ta txarrak,
ama ez direnak,
lurrera jausi arte
mozkortzen onenak
ta umeen merienda
usaina dutenak:
konplize ditut eta
maite ditut denak.
IV
Lotsatiak, ausartak
argalak, gizenak,
iletsuak, soil-soilak,
marimutilenak,
katemeak, gorilak
panterak, zezenak:
konplize ditut eta
maite ditut denak.
V
Markesaren alabak,
neskame gizenak,
printzesak ta sorginak,
ogroak, sirenak,
Maritxuak, Bartolo
itxura dutenak:
konplize ditut eta
maite ditut denak.
VI
Lehen munduko emeak,
kapitalistenak,
lur usaia daukaten
andre indigenak,
zuri, gorri, horiak,
beltzetan beltzenak:
konplize ditut eta
maite ditut denak.