Bertsoak - Fitxa ikusi Atal honi buruz gehiago jakiteko
2011-07-09 Iruñea Jaialdia [Bertsoa] / Amets Arzallus, Eneko Lazkoz
| Bertsoa entzun |
2011-07-09 Iruñea Jaialdia [Bertsoa] / Amets Arzallus, Eneko Lazkoz
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
A. Arzallus:
Urte guztian a ze
kalbarioa ai!
Lehen Camachok ez zigun
inoiz ematen jai
gero Mendilibarren
taktita ta dohai
ta ekain-uztail hau da
neretzat dena guai:
telebista libre ta
laguna ere bai. (bis)
E. Lazkoz:
Uda nahiko tristea
dijoakit aurten
ta udazkenarekin
nahiko nuke eten.
Igande arratsaldeak
orain daude herren
Mundialik gabe uda
ze aspergarria den
Mundiala Españak
irabazi arren! (bis)
A. Arzallus:
Españolak edota
hiru koreano
gero hurrena Lolo
edo Soriano
Osasuna ez denean
Rayo Vallecano
uztaila dugu ta hau
ze harreman sano
lehenengo aldiz afaldu
dugu mano-mano. (bis)
E. Lazkoz:
Europako zeru ta
segundako putzu
Rayo, Soriano, Lolo
aipatu dituzu
hemen zabiltza neri
eman nahirik muxu
ordea gaur benetan
ezautu zaitut zu
ez gustatzeko asko
kontrolatzen duzu. (bis)
A. Arzallus:
Orain hamar urte zen
heldu niganaino
dena izan da futbol
zigarro-ke laino
ta gaur ezagutzeko
hainbeste empeño
ba askok baino gehio
kontrolatzen det ño
kontrolatzen det ia
nazka emateraino! (bis)
E. Lazkoz:
Hala’re hori ez da
uzteko baldintza
eta nerekin oso
gustora zabiltza
urtero-urtero ia
berdintsu gabiltza
udaran sanferminak
ta bertsolaritza
udazkenean berriz
hasten da bizitza. (bis)
A. Arzallus:
Ene! Udazkenean
berriz ze disgustu!
Ba nerekin jarraitu
nahi baduzu prestu
erronka jartzen dizut
maitasun apustu:
irailean Sadarren
baloi denak ostu
eta Champions kopari
belarriak moztu. (bis)
Datu-base honetan eskainitako informazioari buruz jakiteko, kontsultatu lege oharra