Bertsoak - Fitxa ikusi Atal honi buruz gehiago jakiteko
2011-07-09 Iruñea Jaialdia [Bertsoa] / Amets Arzallus, Unai Iturriaga
| Bertsoa entzun |
2011-07-09 Iruñea Jaialdia [Bertsoa] / Amets Arzallus, Unai Iturriaga
Neurria:
Lauko handia (hg) / Bi puntuko handia (ip)
Kokapena:
XDZ - Xenpelar Dokumentazio Zentroa
A. Arzallus:
Gerria dauka soldeatuta
ezin mugitu osoa.
Oso sentsuala igual ez zara
baina oso graziosoa.
U. Iturriaga:
Enbor bakarreko pertsona naiz
kontrakorik ezin esan
pare bat ordu daramatzat zain
norbaitek ezpaldu nazan.
A. Arzallus:
Ba oso errexa da deskribatzen
ikusten den imajina:
zu bik egingo zintuzten baina
pieza batean egina.
U. Iturriaga:
Erakargarriago suertatu
ohi da pieza batekoa
batzuk nahi dituzte latinoak
eta ni naiz bertakoa.
A. Arzallus:
Bai halaxe da baina problemak
hasi zaizkigu pilatzen
ze ez latino ta ez bertako
ez zaizkizu gerturatzen.
U. Iturriaga:
Egia da ez dudala izan
jende askoren bisita
gehiago gerturatuko zaizkit
adarrak ahazten utzita.
A. Arzallus:
Baina hementxe hamar minutu
pasa ostean begira
aldaretako San Ferminak’e
gehiago mugitzen dira!
U. Iturriaga:
Zu lasai egon! Ez naiz joango
txantxa horregatik etxera.
Itxaron pixka’t Sanz dator eta
aurreskua kantatzera.
A. Arzallus:
Bai baina itxoin! Nik baldintza bat
badut zuri oroitzeko:
nik ehun euro ordaintzen ditut
mugimendu bakoitzeko.
U. Iturriaga:
Ehun euro mugimendu bakoitza
hainbeste al da egitan?
Nik mugimendu bakarra daukat
baina egiten dut sarritan.
A. Arzallus:
Ba igual podiuma mogituko dut
jarriko dut han txokoan
ia gehiago mogitzen zaren
bentiladore ondoan!
U. Iturriaga:
Nire mugimendua iruditzen
al zaizu horren tristea?
Sartu ehun euro tanga barnean
ta hasiko da bestea.
A. Arzallus:
Unai ze tanga eta ze kristo!
Izateko sentsuala
zapi gorria jarri behar duzu
taparrabosa bezala.
U. Iturriaga:
Zapi gorria jarrita daukat
hau da ikaragarria!
Ez zara ohartu beste guztia
daukadalako gorria.
A. Arzallus:
Egia esanda inun gogórik
aurrez ez nuen ikusi
dantza egiteko hainbeste gogo
eta hain talentu gutxi.
U. Iturriaga:
Beraz ez noa sartzera behintzat
diskotekan historian.
Askoz gehiago luzitu ohi dut
Aralarko erromerian.
A. Arzallus:
Oso ondo! Tira! Barra ertzera
goazen laguna ordea
zu ere ni bezelaxe zara
jefe izateko hobea.
U. Iturriaga:
Bueno badoa nire enborra
izerdia dariola.
Pena ez duzuela hazten ikusi
nire Gernikako arbola!
Datu-base honetan eskainitako informazioari buruz jakiteko, kontsultatu lege oharra