Bertsoak - Fitxa ikusi Atal honi buruz gehiago jakiteko
2011-12-23 Galdakao Jaialdia [Bertsoa] / Unai Iturriaga
Bertsoa entzun |
2011-12-23 Galdakao Jaialdia [Bertsoa] / Unai Iturriaga
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Jarri ninduen egun horretan
itxi egin ziren tabernak
zinta moztera etorri ziren
alkatea eta denak.
Orain ostera hor plazan nago
erdi apurtuta barrenak
erabilpenak izango dodaz
hirurenak zein laurenak
gehiago dira zapatu gabaz
txixa eitera datozenak.
Badakizue zer gertatu dan
nik garrantzia galtzeko
orain mobilak dira norberan
poltsikoko ta etxeko.
Etorkin batzuk hurbiltzen jataz
eta horrekin ederto
bestela ezin dot esan nauenik
ni erabiltzailez lepo
infidel paranoikoren batzuk
amanteari deitzeko.
Nik gaur egungo teknologiai
ez deutsot desio txarrik
iruditzen jat badabilela
makinatxo bat alperrik.
Leku danetan ez da faltako
“Piripiri”rik, dardarrik
ta hi hemen nago bateria barik
egun osoan itxarrik
komunikatu daiten jentea
behar dauenean bakarrik.
Datu-base honetan eskainitako informazioari buruz jakiteko, kontsultatu lege oharra