Bertsoak - Fitxa ikusi Atal honi buruz gehiago jakiteko
2011-03-05 Donostia Sariketa [Bertsoa] / Jokin Uranga
| Bertsoa entzun |
2011-03-05 Donostia Sariketa [Bertsoa] / Jokin Uranga
Neurria:
Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip)
Kokapena:
XDZ - Xenpelar Dokumentazio Zentroa
Munduan zehar bidaiatzea
horixe nuen amestu
diru pixka bat aurreztu
gaur korreoko berri ankerra
ezin ordea saihestu. (bis)
"Ospitalean daukazu aita"
neri aurpegia belztu.
Gaur hementxe naiz aurkeztu
malko artean "Kaixo" esanda
besarkatu nauzu estu.
Mundua ederra da oso baina
honek parekorik ez du. (bis)
Era honetan ez gara egon
lehenago hainbeste aldiz
bioi bi begiek dizdiz
urtebete bat pasa kanpoan
igual gehiegi da neurriz. (bis)
Galzorian dut nere aita ta
orain ohartu naiz egiz
nagoela bere premiz.
Malko gehiago ez zazu bota
jarraitu ezazu irriz
aita orain zure ondoan nago
ta ez naiz joango berriz. (bis)
Hirurok gaude ohe ertzean
ze hirukote lasaia
aita, ni eta anaia!
Aurrerantzean ere horrela
batzen behar dugu saia. (bis)
Ospitaleko loreek dute
zorionaren usaia
benetan bazen garaia!
Hau gauza baten hasiera da
ez da ezeren amaia
denok batera egingo degu
bizitza honen bidaia. (bis)
Datu-base honetan eskainitako informazioari buruz jakiteko, kontsultatu lege oharra