Bertsoak - Fitxa ikusi Atal honi buruz gehiago jakiteko
2011-09-02 Zarautz Sariketa [Bertsoa] / Odei Barroso
| Bertsoa entzun |
2011-09-02 Zarautz Sariketa [Bertsoa] / Odei Barroso
Neurria:
Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip)
Kokapena:
XDZ - Xenpelar Dokumentazio Zentroa
Giltzurrenean ta uteroan
egin zioten test bana
minbizia ere deklaratuta
aldatu zen panorama.
Nola segitu aintzina? Nola
zorion bihurtu drama?
Minbiziak duen zama
hartuta aintzina darama.
Aurpegi tristez zaude egunero
triste noa zuregana
biziki zaila dela badakit
baina irrifar egin ama. (bis)
Holakoetan alferrik dira
termalgin ta aspirina
medikuntza're nola ez dagon
denon neurrira egina
eta bizitza denekin ez da
zuzena eta berdina.
Nahiz ta ez den atsegina
barrenean duzun mina
gure eskua hartu ezazu
ta segi zazu aintzina
gu garelako ama zuk gehien
behar duzun medizina. (bis)
Dirua sartzen bada tartean
zer ote da gizakia
zientziak duen kobaia edo
medikuntzaren jakia?
Irrifarra ere goibeldu zaio
du aurpegi lotsatia
ta kimioterapia
gogorra ta basatia.
Nik egunero emanen dizut
nere bihotzan zatia
ta bizitzea da zure esku
dagoen erabakia. (bis)
Datu-base honetan eskainitako informazioari buruz jakiteko, kontsultatu lege oharra