Bertsoak - Fitxa ikusi Atal honi buruz gehiago jakiteko
2011-04-16 Donostia Jaialdia [Bertsoa] / Beñat Gaztelumendi, Jon Maia
| Bertsoa entzun |
2011-04-16 Donostia Jaialdia [Bertsoa] / Beñat Gaztelumendi, Jon Maia
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
B. Gaztelumendi:
Egutegiak hartu ditugu
ta gabiltza jolasean
ja hogeita hamar urte neretzat
baitoaz luze antzean.
Ez dute asko pisatzen hauek
gure behatzen ertzean.
Zergatik daude barrote batzuk
egutegien atzean? (bis)
J. Maia:
Hogeita hamar urte pasata
a ze zenbaki arraro!
Gatza izeneko euskaldun batek
kartzelan ditu igaro.
Hemen zenbaki pilo bat daude
eta zein baino beltzago
hogeita hamar urte luzeetan
egun gorririk ez dago. (bis)
B. Gaztelumendi:
Ta azkenean ailegatu da
kalera irteteko txanda
erori dira egutegiak
zabaldu ateko langa.
Hogeita hamar ez dira asko
horrela azkar esanda
nere bizitza baino kondena
luzeagoa izan da. (bis)
J. Maia:
Ordun euskeraz telebistarik
ez zegoen gaur bezela
ez Internetik ez mugikorrik
esan behar da horrela
bide beretik ez baitijoaz
mundua eta kartzela
esan liteke mundu hontara
bigarrenez jaio dela. (bis)
B. Gaztelumendi:
Baino hainbeste urte pasata
bueltatzerikan ba ote?
Ez ote diren gutxi izango
esanez zenbat arlote!
Hainbeste urtez milaka muxu
mila juerga mila trote
eta batzuek oraindik horri
justizi deitzen diote. (bis)
J. Maia:
Euskal Herriak joan nahi luke
aro berrietarantza
buka dadila alde guztitan
sufrimentu gordin latza
denak itzuli eta bueltatuz
herriari esperantza
malkoen geza itsaso zabal
bihurtuko duen gatza. (bis)
Datu-base honetan eskainitako informazioari buruz jakiteko, kontsultatu lege oharra