Bertsoak - Fitxa ikusi Atal honi buruz gehiago jakiteko
2011-11-12 Usurbil Sariketa [Bertsoa] / Patxi Etxeberria, Maialen Velarde
Bertsoa entzun |
2011-11-12 Usurbil Sariketa [Bertsoa] / Patxi Etxeberria, Maialen Velarde
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
P. Etxeberria:
Aitona hemen dator
estu eta larri
neronen gogoz ez naiz
honera etorri.
Hara nere biloba
maite polit horri
eman behar dirazu
sexoaren berri.
M. Velarde:
Aitona etorri zara
nigana adorez
bizkar zabalik baina
masailak kolorez
zuk galdera bat egin
ta nik horren ordez
nik erabakiko det
erantzun edo ez.
P. Etxeberria:
Bikote berriya det
oso dotoria
ikusiko bazendu
nolako loria!
Ilea rubia du
soineko moria
baina sexoan batere
ikasi gabia.
M. Velarde:
Ezer ez dakiela
zabiltza komerin
enamoratu zinen
Lasarteko perin.
Esplikatuko nizun
baina berdin-berdin
zure bizkarrarekin
hori ezin da egin.
P. Etxeberria:
Berak galdetu ziran
nei lehendabiziko
"Tontokerik egiten
ez zera hasiko?".
Maitea ez al det nik
zerbait mereziko?
Zuk erakutsi ezen
ez det ikasiko.
M. Velarde:
Ta esperimentutan
ez zara ausartzen
hain gauza zaila ez da
atera ta sartzen!
Aspalditik zabiltza
bertsoak kantatzen
ta ederki dakizu
zuk inprobisatzen.
Datu-base honetan eskainitako informazioari buruz jakiteko, kontsultatu lege oharra