BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Udarregi Sariketa (1. 2011. Usurbil)

Saioa

2011-11-12 Usurbil Sariketa

Gai-jartzailea

Arabaolaza, Imanol "Txatxari"

Bertsolariak / Egileak

Etxeberria, Patxi

Velarde, Maialen

Lana

Binaka gaia-emanda

Jarritako gaia

Aitona-bilobak zarete. Aitonak bikotekide berria bota duela eta, sexuaren inguruko dudak ditu, eta biloba Maialenengana joan da.

Deskribapena

Doinua

Praixku Galtzazarreta A

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2011-11-12 Usurbil Sariketa [Bertsoa] / Patxi Etxeberria, Maialen Velarde

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

P. Etxeberria:
Aitona hemen dator
estu eta larri
neronen gogoz ez naiz
honera etorri.
Hara nere biloba
maite polit horri
eman behar dirazu
sexoaren berri.

M. Velarde:
Aitona etorri zara
nigana adorez
bizkar zabalik baina
masailak kolorez
zuk galdera bat egin
ta nik horren ordez
nik erabakiko det
erantzun edo ez.

P. Etxeberria:
Bikote berriya det
oso dotoria
ikusiko bazendu
nolako loria!
Ilea rubia du
soineko moria
baina sexoan batere
ikasi gabia.

M. Velarde:
Ezer ez dakiela
zabiltza komerin
enamoratu zinen
Lasarteko perin.
Esplikatuko nizun
baina berdin-berdin
zure bizkarrarekin
hori ezin da egin.

P. Etxeberria:
Berak galdetu ziran
nei lehendabiziko
"Tontokerik egiten
ez zera hasiko?".
Maitea ez al det nik
zerbait mereziko?
Zuk erakutsi ezen
ez det ikasiko.

M. Velarde:
Ta esperimentutan
ez zara ausartzen
hain gauza zaila ez da
atera ta sartzen!
Aspalditik zabiltza
bertsoak kantatzen
ta ederki dakizu
zuk inprobisatzen.