Bertsoak - Fitxa ikusi Atal honi buruz gehiago jakiteko
Eskaldun baten auhenak [Bertsoa] / Louis Iturbide
Eskaldun baten auhenak [Bertsoa] / Louis Iturbide
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I.
Ene lira leiala orai duk denbora,
Ilhunbetarik gaitzen argira athera;
Eskalduna dezagun guduka goraki,
Haren zorakeria auhenda saminki.
II.
Nun dire bada orai Eskaldun gazteak?
Herrietako lili gai ziren loreak,
Nun dire bada aiten lekuko handiak?
zueri nago eske India tristeak.
III.
Bi aldiz ehun mila aise iraganik,
Erraietan dituzket ekartean tristerik;
Erdietan ez date sasiagarria.
Heien bizia dago auhendagarria!
IV.
Aurthen zaiku pestea bihotzen sokhorri,
Kolpe kolpez furian gainera erori;
Laur ilhabathe osoz gutarik laurdenak,
Aurkitu ditu urbil herio krudelak.
V.
Gure burua dugu guhaurk enganatu!
Haur prodigoa dugu utsean segitu,
Oi Eskaldun maiteak! gure etsenplua
Ez bedi izan zuez othoi segitua.
VI.
Ez haut aski prezatu Eskaldun herria,
Berant diat ohartu ene errokeria!
Hire orhoitzapena bekit ahanztean,
Ezen eskuina ihar memento berean.
VII.
Noiz dut noiz ikusiren nere sor herria,
Mundu huntan enetzat zorion guzia,
Noiz ditu! ikusiren nere burhasoak,
Ahaide, adixkide, nere amodioak.
VIII.
Nun da nun maite nuen Larrungo mendia?
Ziharraren pareko Urdaxko ibaia?
Eta arbola borthitz muskil eder dunak?
Hetaz orhoitzean tut ixurtzen nigarrak.
IX.
Utz zatzik Eskalduna utz zatzik Indiak,
Desertur joaiteko asmu tzar guziak,
Oha erakustera Eskaldun odola.
Guduetan hiltzera hire aitak bezala.
X.
Kanta zatzik goraki ethorkizunean,
Kanta keien eginak umore onean;
Iraganari hartuz hekien izenak,
Errepika ezatzik xasur eskaldunak.
Iturria:
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra