BDB Bertsolaritzaren datu-basea

Informazio orokorra

Kategoria

Ez bat-batekoa

Bertsolariak / Egileak

Amuriza, Miren

Deskribapena

Izenburua

Gaixo larriak

Dokumentuan jasotako izenburua

Gaixo larriak

Dokumentuan jasotako bertsoaren hasiera

Lausotuz doan begirazuna, lehortzen ari den behazuna,

Doinua

Itsaso hori dago zatarra

Neurria / Estrofaren izena

Hamaikakoa, handiaren moldekoa, 8 puntuz (hg) / Zortzi puntukoa, handiaren moldekoa (ip)

Bertso kopurua

3

Bertso dokumentu mota

Hemeroteka (Aldizkari eta Egunkariak)

Edukia

Interneten

Lausotuz doan begirazuna, lehortzen ari den behazuna, azkar dabilen bihotza edo motelduz doan garuna, (bis) birika biren jarduna, hezur arrakaladuna, denon bidaia laguna… Medikuaren paper bat baino gehiago da osasuna, falta den arte behar adina estimatzen ez duguna. (bis) Presoentzako goitik behera onartezina den egoera, lege soil bat da Espainia eta Frantziaren arabera. (bis) Osasuna ukatzera helduta zer nahi dute ba? Bi izen baina muin bera, Parot Doktrina aplikatzea azken finean hauxe da: gaixo daudenak kondenatzea heriotza zigorrera. (bis) Euskal Herrian epeak epe, latz joan direnez bi hilabete, falta direnei agur ta ohore kantatu nahi genieke. (bis) Nahiz eta amorruz bete, minak min, nekeak neke, asko dugu egiteke! Denok minutu batzuk emanez jarraitzen badugu tente, hamabost presok euren bizitzak berreskura ditzakete. (bis)

Kokapena

Kokapena

XDZ - Xenpelar Dokumentazio Zentroa

Argitalpen datuak

Argitalpenaren izenburua

Argia [Aldizkaria]

Liburukia / Urtea

76

Zenbakia

2365

Orrialdeak

23

Argitalpen / inprimatze data

2013-04-21

Gaixo larriak [Bertsoa] / Miren Amuriza

Neurria:  Hamaikakoa, handiaren moldekoa, 8 puntuz (hg) / Zortzi puntukoa, handiaren moldekoa (ip)  Dokumentu-mota:  Hemeroteka (Aldizkari eta Egunkariak)  Argitalpenaren izenburua:  Argia [Aldizkaria] Argitalpen data:  2013-04-21 
Kokapena:  XDZ - Xenpelar Dokumentazio Zentroa 

---

Lausotuz doan begirazuna,
lehortzen ari den behazuna,
azkar dabilen bihotza edo
motelduz doan garuna, (bis)
birika biren jarduna,
hezur arrakaladuna,
denon bidaia laguna…
Medikuaren paper bat baino
gehiago da osasuna,
falta den arte behar adina
estimatzen ez duguna. (bis)

Presoentzako goitik behera
onartezina den egoera,
lege soil bat da Espainia eta
Frantziaren arabera. (bis)
Osasuna ukatzera
helduta zer nahi dute ba?
Bi izen baina muin bera,
Parot Doktrina aplikatzea
azken finean hauxe da:
gaixo daudenak kondenatzea
heriotza zigorrera. (bis)
Euskal Herrian epeak epe,

latz joan direnez bi hilabete,
falta direnei agur ta ohore
kantatu nahi genieke. (bis)
Nahiz eta amorruz bete,
minak min, nekeak neke,
asko dugu egiteke!
Denok minutu batzuk emanez
jarraitzen badugu tente,
hamabost presok euren bizitzak
berreskura ditzakete. (bis)