Bertsoak - Fitxa ikusi   Atal honi buruz gehiago jakiteko

2012-04-01 Zegama Jaialdia [Bertsoa] / Aitor Sarriegi, Iker Zubeldia

Bertsoa entzun  

Informazio orokorra

Kategoria
Bat-batekoa
Saioa
2012-04-01 Zegama Jaialdia
Gai-emailea
Elizasu, Unai
Bertsolariak / Egileak
Sarriegi, Aitor
Zubeldia, Iker
Lana
Binaka gaia-emanda
Jarritako gaia
Udaletxean egiten duzue lana. Biok zarete talde berekoak eta lanean ari zarete udaletxean. Ari zarete begiratzen udaletxeak urteetan izan dituen kontuak, eta ohartu zarete badirela langile batzuk izugarrizko soldata dutenak urteetan zehar. Horietako bat zuen laguna. Baduzue lagun komun bat sekulako soldata duena, garai batean agintzen zuen taldeak hala jarri ziolako.

Deskribapena

Doinua
Zeru altuan zegoen Jaunak
Neurria / Estrofaren izena
Zortziko handia (hg) / Lau puntuko handia (ip)
Bertso kopurua
6

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2012-04-01 Zegama Jaialdia [Bertsoa] / Aitor Sarriegi, Iker Zubeldia

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

A. Sarriegi

Orain artean udaletxetik
kanpora xamar egona
kontu batzuek argitu asmoz
etorriak gera hona.
Gure lagunak daukan soldata
hori Iker ez da broma
baina ez dakit lagun txarra izan
edota kontzejal ona.

I. Zubeldia

Gure laguna aguazila da
ta triste gaude benetan
fitxatu ohi du nahi duenean
gehienen ordu bietan.
Faktura batzuk ikusi eta
a ze mina begietan!
Hainbeste txanpain zergatik dago
aguazilaren dietan?

A. Sarriegi

Beatzitako kafetegian
kafea eta bolloa
nabaritzen da nondik joan dan
lagunan desarrolloa
gero herriko jendearekin
parrea ta buen rolloa
baina iritsi gera hona ta
bukatu zaio txolloa.

I. Zubeldia

Hamar bat ordu lan egingo du
hori asko jota asten
goizen beatzitan kafea hartu
ta hamaikatan da hasten.
Begira gure lorategiak
herria ai da narrasten
sasi artean pentsa lorerik
ere ez dala ikusten.

A. Sarriegi

Gure laguna izan beharra
tokatu zaigun kasoa
nahikoa garbi antzematen da
nun dagoen arazoa.
Soldata jeitsi behar diogu
hori lehenengo pausoa
eta gau txandan pasatuko du
legegintzaldi osoa.

I. Zubeldia

Hamaika jendek esango zuen
“ Ez ote du alde egingo?”
hamarretako ze gosariak
txorixo eta gorringo!
Hamabitako txuri batzuek
gero fitxatu ta bingo!
Orain artean egin ez badu
gerora ez du egingo.

Datu-base honetan eskainitako informazioari buruz jakiteko, kontsultatu lege oharra