Bertsoak - Fitxa ikusi Atal honi buruz gehiago jakiteko
2012-04-24 Iruñea Jaialdia [Bertsoa] / Oskar Estanga, Unai Iturriaga, Maialen Lujanbio, Xabi Paya
| Bertsoa entzun |
2012-04-24 Iruñea Jaialdia [Bertsoa] / Oskar Estanga, Unai Iturriaga, Maialen Lujanbio, Xabi Paya
Neurria:
Lauko handia (hg) / Bi puntuko handia (ip)
Kokapena:
XDZ - Xenpelar Dokumentazio Zentroa
X. Paya
Hasi aurretik desbentaja bat
argi azaldu beharko:
Unai azkarrago helduko da
patillak dituelako.
O. Estanga
Frasta! Nik egin eta aurrera
bi metro hau da guzia.
Kontxo! Honetan zeinen gustora
gelditu den nagusia!
U. Iturriaga
Honekin ez dut kezka haundirik
horren happya da en fin
entretenitu egingo dala
beste edozein gauzarekin.
X. Paya
Egia da bai hori guretzat
ez da izango kaltea
berdin-berdina izango zuen
eztarritik joatea.
M. Lujanbio
Buila batzuek aditu ditut
lasaituko zan mutila.
Norbait atea jotzen ari da
akaso Guardia Zibila.
O. Estanga
Motibagarri entzun dut zerbait
mugituko dut isatsa.
Ene ze ongi ikastaroan
nik ikastea txa-txa-txa! *
U. Iturriaga
Aurrerantz doa gure esperma
edozein gauzan jalea
atzo kondoiekin egin frogan
nik egin nuen polea.
X. Paya
Barkatu obulu baina horrekin
asko aspertuko zara
horrek daukan retolikarekin
aspermatozoidea da.
M. Lujanbio
Egia esan nahiko grazioso
datorkit lehenbiziko hau
bere txa-txa-txa muimentuakin
eskibatu egingo nau.
O. Estanga
Ni lasai nago hortxe atzean
serio daude lagunak
helburu hortaz filosofatzen
hauek dira euskaldunak.
U. Iturriaga
Los Luniseko esperma hori
bestea esperma kankailu
ni poliglota naiz ta banoa
zuk itxaron obululu.
X. Paya
Ta zer nahi duzue esatea?
Hau ikusten dut hain kutre
obuluak protestatan dabiltza
berdintasuna nahi dute.
M. Lujanbio
A ze castinga tokatu zaidan
isuri hontan alafede!
Inkluso planteatzen ari naiz
ez obulatzea ere.
O. Estanga
Espermatozoide euskaldun hauek
haundiegia pazientzia
ta zu lasaitu ez baituzu gaur
lortuko independentzia.
U. Iturriaga
Motibazioa behar dut nik
arra pizteko kemena
ez itzazu hankak gurutzatu zuk
egin Sharon Stone-na.
X. Paya
Zuk erabaki nola amaitu
nahiko zendukeen pakean
edo esperma zorotxo honekin
edo konpresa batean.
O. Estanga
Isil-isilik gelditua zait
ireki nahi du atea.
Ai neri kasi ikusi eta
ja eman dit atakea.
U. Iturriaga
Horrekin kontuz ibili zaite
obululu izan klaru
ikusi duzun dardara horrekin
Parkinsonen genea du.
X. Paya
Batzuk lasai begira gaude ta
beste batzuek zenbat lan!
Orain denok ikusi duzue
zer-nola jaio zen Froilan.
O. Estanga
Ni lasai nago atzean utziz
bi esperma ta bi gizon
hoiek geneetan daukate argi
hor barruan aparkinson.
M. Lujanbio
Hementxe dago hau romantiko
baino benga benga benga!
Lehenengo iristen dena beti
xelebreena izaten da.
U. Iturriaga
El Conquistadoren moduan da
bukatu da eta punto.
Hori bai Xabi esperientzi hau
ez dut sekula ahaztuko!
X. Paya
Bueno ba orduan ni joango naiz
zu hortxe bakarrik utziz
zuk gainera bikiak dituzu
hurrengora arte Migueliz! **
M. Lujanbio
Kostatzen zaie ailegatzea
begira hauei begira!
Gaur egungo espermatozoideak
animatu egin behar dira.
O. Estanga
Animo beharrik ez duzu gaur
eman behar hemen bati
ireki zaitez obulu maite
eingo zaitut mila zati.
X. Paya
Barkatu baina ezin dut ikusi
kasi heldu zait atakea
kasi nik ere hobe izango dut
klinexera joatea.
* Gorputza dantzatu zuen hori kantatzearekin batera.
** "El Conquistador del fin del mundo" programako lehiakideetako bat.
Datu-base honetan eskainitako informazioari buruz jakiteko, kontsultatu lege oharra