Bertsoak - Fitxa ikusi Atal honi buruz gehiago jakiteko
2012-07-10 Iruñea Jaialdia [Bertsoa] / Onintza Enbeita, Julio Soto
| Bertsoa entzun |
2012-07-10 Iruñea Jaialdia [Bertsoa] / Onintza Enbeita, Julio Soto
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
J. Soto
Norian igo gara
ze poz ze atsegin!
Nahi nuen izatea
zu nire erregin
goian muxu bat eman
ta ze zeru urdin!
Ta argia plast joan da
neri berdin-berdin
iluminatuko naiz
zure begiekin. (bis)
On. Enbeita
Hor zaude nire aurrean
begira-begira
egoera aldatu
egin zaigu di-da
baina hau da beroa
jertseari tira
elektrizitatea
ta bere harira
aire egokitua
ere itzali da. (bis)
J. Soto
Begira han Txantrea
hor dago aurrena
ta han Arrotxapea
jarrita hurrena
han goian Takonera
bidean barrena.
Ezkon zaite nerekin
neska ederrena
ta oparituko dizut
ikusten den dena. (bis)
On. Enbeita
Dena zoragarria
da hemen zuretzat
baina larritzen hasi
naiz Julio behintzat
egiak aitortzeko
ordua hau da aintzat
botako nahi nuke behera
begiraturen bat
ez dizut esan baina
bertigoa daukat. (bis)
J. Soto
Nik goxatuko zaitut
eta ez hartu su
alturak zer dela ta
kezkatzen zaitu zu?
Behean atrakzioak
ikusten dituzu
ta ni berotu egin naiz
zuri emanda muxu
nere atrakzioan
jarri nahi al duzu? (bis)
On. Enbeita
Zuzenean joatea
deitzen zaio horri
eskibatu ostean
mila potrozorri.
Bale zure eskuak
gerrirantz igorri
oraintxe nago pozik
oraintxe hain gorri
justo baietz oraintxe
argia etorri! (bis)
Datu-base honetan eskainitako informazioari buruz jakiteko, kontsultatu lege oharra