Bertsoak - Fitxa ikusi   Atal honi buruz gehiago jakiteko

2012-09-01 Donostia Jaialdia [Bertsoa] / Igor Elortza

Bertsoa entzun  

Informazio orokorra

Kategoria
Bat-batekoa
Saioa
2012-09-01 Donostia Jaialdia
Gai-emailea
Usarralde, Inaxio
Bertsolariak / Egileak
Elortza, Igor
Lana
Bakarka gaia-emanda
Jarritako gaia
Sarritan, literaturarik onena pintadetan-eta irakurri ahal dugu. Hara oporretan irakurri dudan pintada batek zer dioen: "Aberatsak behartsuari lapurtzen badio, horri negozioa esaten zaio; eta behartsua aberatsak lapurtu diona berreskuratzen borrokatzen bada, biolentzia esaten zaio.

Deskribapena

Doinua
Lurraren pean sar nindaiteke
Neurria / Estrofaren izena
Hamarreko handia (hg) / Bost puntuko handia (ip)
Bertso kopurua
3

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2012-09-01 Donostia Jaialdia [Bertsoa] / Igor Elortza

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Luzea baina arrazoizkoa
dugu pintada horrena
behin aberatsak hartzen duena
negozio deitzen dutena
pobreek berdin egin ezkero
biolentzia ta kondena
ta guzti horren haseran dago
hemen zinezko problema:
hitzak lapurtzen badizkigute
lapurtu digute dena. (bis)

Demokrazia hitza bera ere
hasi liteke aletzen
lau urtean behin papel bat sartu
ta betikoak zuzentzen
baina martxa hontan mundu zahar hau
laister badijoa lehertzen
ta hobe da bai hasi gaitezen
mundua ondo ulertzen
lehenik hastea gauza bakoitzai
bere izenakin deitzen. (bis)

Gezurretatik mundua agintzen
behar da gero aurpegia!
Aberatsaren lujua baita
pobrearen izerdia
papurren batzuk eman dituzte
konforme jende erdia
baina garaia da nagusitu
dadin behingoan egia
ta denok leitzen hasi gaitezen
pobrearen hiztegia. (bis)

Datu-base honetan eskainitako informazioari buruz jakiteko, kontsultatu lege oharra