BDB Bertsolaritzaren datu-basea

Informazio orokorra

Kategoria

Bat-batekoa

Saioa

2012-10-12 Lekunberri (N) Jaialdia

Gai-emailea

Goikoetxea, Arkaitz

Bertsolariak / Egileak

Alberdi, Uxue

Zubeldia, Iker

Lana

Binaka gaia-emanda

Jarritako gaia

Bi hauek gurasoak dira, eta aurten hasi dituzte haurrak eskolan. Hortxe joaten dira biak, bakoitza bere haurrari eskutik helduta. Ume txikiak dira eta gela barruraino laguntzen dituzte, eta atea ixten denean, pasillotik negar hotsak entzuten dira.

Deskribapena

Doinua

Haurtxo txikia negarrez dago I

Neurria / Estrofaren izena

Zortziko handia (hg) / Lau puntuko handia (ip)

Bertso kopurua

8

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2012-10-12 Lekunberri (N) Jaialdia [Bertsoa] / Uxue Alberdi, Iker Zubeldia

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

U. Alberdi

Orain artean dena izan da
bularra eta sabela
aita ta aman jolasak eta
etxe barruko epela.
Negar hotsekin betetzen denez
ikastola hontako gela
pentsatu nahi dut malko guztiak
beharrezkoak direla.

I. Zubeldia

Goizean jeiki eta jazten det
beti guapa ta apaina
lehendabiziko biberoiari
hartzen diogu tamaina
eskolan sartu, atea itxi
zenbat negar zenbat maina!
Haundinak aina indar daukate
txikitxoak dira baina.

U. Alberdi

Gelan sartuta egoten dira
bai uda ta bai neguan
patio baten buelta-bueltaka
dauden presoen moduan
jolasa eta aire librea
ahaztuz lehen segunduan
ikasteko beste eraren bat
egon behar da munduan.

I. Zubeldia

Esaten diot "Ba al dakizu
klaseko guapa zarela?"
esaten diot "Ba al dakizu
gelan ederki zaudela?".
Atea itxi ta botatzen dit
begirada bat itzela
ta burumakur aldegin behar
huts egin banu bezela.

U. Alberdi

Nik aitortzen dut zalantzak dauzkat
ta bihotza bi zatitan
entrenatzen da fisikan eta
antzera matematikan
entrenatzen da estrategian
ta lanerako teknikan
inoiz ez dezan desobeditu
mundua dugun fabrikan.

I. Zubeldia

Zenbat guraso sortua danez
hamaika negar aitzeko
ta ze gogoa ematen digun
lepotik gogor heltzeko.
Nahiz ta klasean gelditzen diren
danak kopeta beltzeko
orain negarra beharrezko da
gero parrez bizitzeko.

U. Alberdi

Nik sentitzen dut ez nago ados
ez dut pentsatzen horrela.
Nahiago nuke segi dezala
sorgin-sorgin gaur bezela
baina gu ere atera ginen
utziaz klasea, gela
konfiantza dut beren bidea
eiten jakingo dutela.

I. Zubeldia

Munduan dauden ume goseek
nolako negar zarata!
Ta gu gabiltza maina batzukin
jiraka eta bueltaka.
Klasen utzita etxera noa
gurea ere da marka
lasai nijoa badakit eta
ezer ez zaiola falta.