BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Erniarraitz Sariketa (6. 2012)

Saioa

2012-03-23 Azpeitia Sariketa

Gai-emailea

Oiarzabal, Gurutze

Bertsolariak / Egileak

Barroso, Odei

Lana

Bakarka oina-emanda kartzelako-lana

Jarritako gaia

Kupela taldearen Bizi zaitez bizi kantuaren zatia entzun da megafoniatik: "Bizi zaitez bizi, ahalikan ondoen, inork ez baitakigu, bihar zer dagoen".

Deskribapena

Doinua

Kantuz sortu naiz eta II

Neurria / Estrofaren izena

Hamalauko txikia (hg) / Zazpi puntuko txikia (ip)

Bertso kopurua

3

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2012-03-23 Azpeitia Sariketa [Bertsoa] / Odei Barroso

Neurria:  Hamalauko txikia (hg) / Zazpi puntuko txikia (ip)  
Kokapena:  XDZ - Xenpelar Dokumentazio Zentroa 

---

Sarritan triste gaude
begirada ilun
irrifarra ttikia
esperantza urrun
etortzen den guzia
ez dugu ezagun.
Beraz aurreikusten
zetarako jardun?
Zer dator bihar etzi?
Ze berri da lagun?
Ze pasatu zen atzo
ta zer herenegun?
Momentua bizitzen
ikasi dezagun. (bis)

Orain direla armak
bonba, metraileta
batzuk badoazela
bakearen xeka
aurreikusi nahiean
gabiltza erreta
behar diren gauzengan
ezarriz arreta.
Bada txorakeritan
ez gaitezen neka.
Zergatik hartu utzi
jira eta buelta?
Zerbait lortu orduko
kentzen digute eta. (bis)

Batzuk erraten dute
“Presoak aurrena”
beste batzuk diote
guda bat hurrena
batzuek autobusa
ta besteek trena
batzuk nahi dute ezer
ta besteek dena.
Piztu beharko dugu
esperantza sena.
Ez beiratu ordua
ahantzi orena
ta bihar etorriko
zaigu datorrena. (bis)