Bertsoak - Fitxa ikusi Atal honi buruz gehiago jakiteko
2012-09-07 Zarautz Sariketa [Bertsoa] / Unai Gaztelumendi Arandia, Manu Goiogana
| Bertsoa entzun |
2012-09-07 Zarautz Sariketa [Bertsoa] / Unai Gaztelumendi Arandia, Manu Goiogana
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
M. Goiogana
Ordiziako gazta
usaintsu mardula
zuk ekarria dela
ezin disimula.
Nahiz eta hau ez nuen
usteko sekula
zenbat diru den ezin
det eta kalkula
esaidazu bidean
aurkitu duzula. (bis)
U. Gaztelumendi
Holako detailerik
ez zenun espero
ta gure poltsikoak
ez daude hain bero.
Bilatu ote dedan
zuk galdetu gero
bidean bilatu det
bai bilatu-edo
ta bidean galdu zaizkit
zazpi mila euro. (bis)
M. Goiogana
Orain daukagunean
krisi nabarmena
hainbeste mila euro
ta gazta onena
baina dirua izan
daiteke problema.
Hau da egin dezun gauza
zentzugabeena
burua da bidean
galdu zenuena. (bis)
U. Gaztelumendi
Nahiz beti egon geran
lanerako prestu
aspaldian daukagu
gerrikoa estu.
Nahiz zazpi mila euro
ez dauden gure esku
nahiz zazpi mila euro
ja ezin aurreztu
jarri dun aurpegiak
preziorik ez du! (bis)
M. Goiogana
Zazpi mila euro ño!
ditugu gehiegi
Unai guk ezin degu
era hontan segi
ia ixtear gaude
gaude larriegi
ta taberna ixtean
beidatzeko neri
ez dezu edukiko
nahikoa aurpegi. (bis)
U. Gaztelumendi
Jesus ze erretxina
jarri zeran lagun!
Horrelakorik ez nun
hemen inoiz entzun
baino ondo egina
dagola demagun
ea holako gazta bat
berriz noiz daukagun
hartu pusketa bat ta
gozatu dezagun! (bis)
Datu-base honetan eskainitako informazioari buruz jakiteko, kontsultatu lege oharra