2012-09-07 Zarautz Sariketa [Bertsoa] / Unai Gaztelumendi Arandia, Manu Goiogana

Jatetxe batean jabeak zarete. Gizartean bizi den egoera zaila dela eta, garai ilunak bizitzen ari zarete zuen jatetxean. Gaur, ordea, Ordizian saritutako gaztarekin azaldu da Unai jatetxera, 7.400 euro ordainduta.

Description

Melody

Espainian behera

Stanza name

Hamarreko txikia (hg) / Bost puntuko txikia (ip)

Bertso kopurua

Localization

Localization: XDZ - Xenpelar Dokumentazio Zentroa
Collection / Fond / Project: Bapatean Bilduma

2012-09-07 Zarautz Sariketa [Bertsoa] / Unai Gaztelumendi Arandia, Manu Goiogana

Stanza name: Hamarreko txikia (hg) / Bost puntuko txikia (ip)
Localization: XDZ - Xenpelar Dokumentazio Zentroa

M. Goiogana

Ordiziako gazta
usaintsu mardula
zuk ekarria dela
ezin disimula.
Nahiz eta hau ez nuen
usteko sekula
zenbat diru den ezin
det eta kalkula
esaidazu bidean
aurkitu duzula. (bis)

U. Gaztelumendi

Holako detailerik
ez zenun espero
ta gure poltsikoak
ez daude hain bero.
Bilatu ote dedan
zuk galdetu gero
bidean bilatu det
bai bilatu-edo
ta bidean galdu zaizkit
zazpi mila euro. (bis)

M. Goiogana

Orain daukagunean
krisi nabarmena
hainbeste mila euro
ta gazta onena
baina dirua izan
daiteke problema.
Hau da egin dezun gauza
zentzugabeena
burua da bidean
galdu zenuena. (bis)

U. Gaztelumendi

Nahiz beti egon geran
lanerako prestu
aspaldian daukagu
gerrikoa estu.
Nahiz zazpi mila euro
ez dauden gure esku
nahiz zazpi mila euro
ja ezin aurreztu
jarri dun aurpegiak
preziorik ez du! (bis)

M. Goiogana

Zazpi mila euro ño!
ditugu gehiegi
Unai guk ezin degu
era hontan segi
ia ixtear gaude
gaude larriegi
ta taberna ixtean
beidatzeko neri
ez dezu edukiko
nahikoa aurpegi. (bis)

U. Gaztelumendi

Jesus ze erretxina
jarri zeran lagun!
Horrelakorik ez nun
hemen inoiz entzun
baino ondo egina
dagola demagun
ea holako gazta bat
berriz noiz daukagun
hartu pusketa bat ta
gozatu dezagun! (bis)

BDB Bertsolaritzaren datu-basea

Bertsos - View details To know more about this section