Bertsoak - Fitxa ikusi Atal honi buruz gehiago jakiteko
2013-11-16 Oiartzun Txapelketa [Bertsoa] / Alaia Martin
| Bertsoa entzun |
2013-11-16 Oiartzun Txapelketa [Bertsoa] / Alaia Martin
Neurria:
Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)
Argitalpenaren izenburua:
Bertsolari Txapelketa Nagusia 2013 [Liburua]
Kokapena:
XDZ - Xenpelar Dokumentazio Zentroa
Tristeziak hartu ohi nau
orain barren-barrenetik
nire semetxo maiteak
begiratuta hemendik.
Negar baten egoten da
negarra dator minetik
ta egoera erreala
onartzearen ezinetik
ezin diot ezer esan
beraren aldamenetik
pixa eiten du ohean
eta pena ematen dit
amesgaiztoak baitauzka
aita hil zitzaionetik. (bis)
Esaten diot “Aitatxo
joan da oso urrutira
bizitza osoan babestu
egin zaitzakeen tokira”
baina hark ez du onartzen
begien negar dizdira
sortzen zaio ta eragin
ohi dit halako gupida.
Ordularia joatean
hamarrak eta erdira
nahiz muxu goxo batekin
eman nere despedida
bere izara txuriak
mamu bilakatzen dira. (bis)
Ez duzu ondo ulertzen
baina uler zenezake
bide honek nahiz ta ez dun
atzera biderik bat’e
sentitu zaitez minaren
ta oroimenaren parte
nik babestuko zaitut ta
babestu beti jo ta ke.
Unaitxo zatoz hona ta
senti zaitez lasai, aske
konpondu igual ez baina
pixka’t lagundu nezake
batera egingo dugu lo
hau gainditzen duzun arte. (bis)
Datu-base honetan eskainitako informazioari buruz jakiteko, kontsultatu lege oharra