Bertsoak - Fitxa ikusi Atal honi buruz gehiago jakiteko
2011-12-18 Donostia Txapelketa [Bertsoa] / Agin Laburu, Jon Martin
| Bertsoa entzun |
2011-12-18 Donostia Txapelketa [Bertsoa] / Agin Laburu, Jon Martin
Neurria:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Kokapena:
XDZ - Xenpelar Dokumentazio Zentroa
A. Rezola
Lixto dazkat tripakiak
ta gainuntzeko jakiak.
Ze bide hartu behar digu Jon
gaurko debatiak?
Ondo gaude atxikiak
eta utzi aitzikiak
ezertarako ez du baliyo
negar egitiak. (bis)
J. Martin
Eguberriak heltzean
zenbat janari eltzean!
Baina tamalez garrantzitsuna
ez dago etxean.
Janarien babesean
zertan jardun jolasean?
Ez ditut behar nere alabak
probatu ezean.
Ez ditut behar gure alabak
probatu ezean.
A. Rezola
Orduan zuretzat kalte
jatena utzi aparte
atzera beida zer dala eta
ote zabiltzate?
Fetxek aurrera darraite
han egongo da nunbait’e
ez ospatziak ez du esan nahi
ez degunik maite. (bis)
J. Martin
Nik gogoratzen dut maitez
hortaz konturatu zaitez.
Data hauetan gizon lodi bat
etortzen da gauez
Euskal Herrian gaudenez
gure etxera tamalez
gizon urdinak etortzen dira
Olentzeron partez. (bis)
A. Rezola
Olentzerokin akabo!
Sentitu behar arraro
alaba hari eskatzerikan
mattia ez dago
ezin du ekarri klaro
ta guztiz seguru nago
gizon urdinei eskatuz gero
are gutxiago. (bis)
J. Martin
Nago pentsatzen egona
kartzela baten lau horma
nere sabelak dun hutsuneak
dauka haren forma.
Alaba etortzea hona
ekartzea zoriona
hori soilikan da nik ospatu
nahi dudan Gabona
hori soilikan da nik ospatu
nahi nukeen Gabona.
Datu-base honetan eskainitako informazioari buruz jakiteko, kontsultatu lege oharra