Bertsoak - Fitxa ikusi Atal honi buruz gehiago jakiteko
2013-06-16 Ereñotzu Jaialdia [Bertsoa] / Jexux Mari Irazu Muñoa, Unai Iturriaga, Maialen Lujanbio
2013-06-16 Ereñotzu Jaialdia [Bertsoa] / Jexux Mari Irazu Muñoa, Unai Iturriaga, Maialen Lujanbio
Neurria:
Lauko handia (hg) / Bi puntuko handia (ip)
Kokapena:
XDZ - Xenpelar Dokumentazio Zentroa
J.M. Irazu
Buruak nola engainatzen dun
ez nuen pentsa hainbeste
bi ume ere baditugu ta
gazteak gerala uste.
M. Lujanbio
Ni gaztea naiz ez naiz kanbiau
gaur gauzak garbi esanda
ta kanbiatu naizen apurra
mejoratzeko izan da.
U. Iturriaga
Esperientziaren ahotsetik
egin gurako nuke hitz:
ni arduratu egingo nintzake
aldatu izan ez banintz.
J.M. Irazu
Hogei urtekin etorri nintzan
Hernani aldean barrena
eta Hernani bera ez al da
gehiago aldatu dena?
M. Lujanbio
Etorri zinan eta berriro
Larraula juan horretan
eta ez dakit zu're ez zauden
dauneko bigarren bueltan.
U. Iturriaga
Azken batean esaera zaharrak
denboraz betetzen dira:
ahuntzak mendira bueltatzen dira
ta hernaniarrak Hernanira.
J.M. Irazu
Iturriaga zerorrek ere
bilintzi eta balantza
lepotik gora oaintxe daukazu
ezker paretaren antza.
M. Lujanbio
Bakoitzak estereotipo bat zu
hala da Unai aditu:
gutxien espero ziran gauzak
Iturriagak egin ditu.
U. Iturriaga
Nire ile urdin hau dala ta
badago festa makala
gixarajoek ez dakite ondo
tindatu egiten dudala.
J.M. Irazu
Maialenekin garai batean
ere fijo zan itxura
jakin nahi nuke nun gorde dezun
buruko traputxo hura.
M. Lujanbio
Trapu zahar hori ibili nuen
bai urte batzutan zehar
oain burua ez zait juaten ta
zapirikan ez det behar.
U. Iturriaga
Jexux Mari ta ni zaharragoak
Maialeni buruz aitu
"Honek badaki honek badaki"
ta hara pasatu gaitu!
J.M. Irazu
Iturriagak lehen ehun zerbeza
hala're zutik mantendu
ta orain bata kendu diyo ta
zero zero edaten du.
M. Lujanbio
Egia esan makarra pinta
izan zuen garai baten
baina edade baten patilla hoik
ja ez dute ondo ematen.
U. Iturriaga
Zerbezaren kontu horretan ai
zuzen zabiltza ez uste
orain bakarra edaten du baina
mila edango lituzke.
J.M. Irazu
Eta Lujanbio Vancouberrera
hizkuntzak bere mentua
gustora asko entzungo nuke
zure ingles azentua.
M. Lujanbio
Nik inglesari atera nion
Irazu ahal nuen punta.
Zu haur zinala okupa ta orain
haurrekin okupatuta.
U. Iturriaga
Mundializatu egin da Maialen
joan zaigu Vancouberrera
ta orduan asko joaten zan
Tilosko banku berdera.
J.M. Irazu
Urteak asko pasatu dira
ta ez gera lehengo bera
lehen eta orain Ereñozura
gustora etortzen gera.
M. Lujanbio
Ia pasa dan gazte aroa
ia pasa dan denbora
gabean hemen geratu eta
probatu ein beharko da.
U. Iturriaga
Berrogeiera hurbiltzen eta
ni oso konforme nago
baina hori bai egingo nuke
apurtxo bat lo gehiago.
Datu-base honetan eskainitako informazioari buruz jakiteko, kontsultatu lege oharra