BDB Bertsolaritzaren datu-basea

Informazio orokorra

Kategoria

Bat-batekoa

Saioa

2013-07-07 Lesaka Jaialdia

Gai-jartzailea

Bortzirietako Bertso-Eskola

Gai-emailea

Rekondo, Alaitz

Bertsolariak / Egileak

Lizaso, Sebastian

Silveira, Xabier

Lana

Binaka gaia-emanda

Jarritako gaia

Bi apaiz zarete. Urte aunitz daramazue lan horretan. Agerian da jendeak gero eta arropa gutxiago eramaten duela, batez ere jende gazteak. Iritzi desberdinak dituzue gai horren inguruan.

Deskribapena

Doinua

Haize hegoak hurbiltzen ditu

Neurria / Estrofaren izena

Zortziko handia (hg) / Lau puntuko handia (ip)

Bertso kopurua

8

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2013-07-07 Lesaka Jaialdia [Bertsoa] / Sebastian Lizaso, Xabier Silveira

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

X. Silveira

Demoniuak egingo zuen
urtero datorren uda
gaztek arropak kentzen dituzte
txapela jarriz burura.
Tokitan dago garai bateko
fede zintzotasun hura!
Dudarik gabe mundu honetan
Satanas nagusitu da. (bis)

S. Lizaso

Orain daukagun moda klaserik
ez zegoen ez lehenago
Eleizak ere aldatu behar
edo bestela akabo!
Erropa gutxi gaizki dagonik
nik behintzat ez dut esango
animak ez du zer sufriturik
gorputza fresko badago. (bis)

X. Silveira

Freskotasunak berotasuna
ez du inoiz urrunean
batzun freskurak besteak jartzen
ditu berotasunean
lau zentimetro oihal bertzerik
ez dabilkite soinean
pentsatu nola ote dabiltzan
bistan inor ez denean! (bis)

S. Lizaso

Zaharkitua zer arraiotan
jarri zera zaputzean?
Zer ajola du bikiniakin
edota tanga hutsean?
Hemen bakoitzak jakin behar du
zer ibili gorputzean
Jesukristok’e erropa asko
ez zedukan gurutzean. (bis)

X. Silveira

Hori egia da baina bere
borondatezko ote da
edo behartuta igoko zuten
gurutze hartara bera?
Bekataria zigorrarekin
bakarrikan sendatzen da
pozik igoko nituzke gazte
guzti hauek gurutzera! (bis)

S. Lizaso

Gazteak ere zenbat gurutze!
Noski bakoitzak beriak.
Modan ez dagon apaiz zaharrak
zer-nolako komeriak!
Eta ulertu ezin baditu
gizartearen egiak
betaurrekoak ez dira aski
itxi itzazu begiak. (bis)

X. Silveira

Horretarako ez ote nuke
hobea ez begiratu?
Tentazioak ez nazan bere
atzapar beltzetan hartu.
Arropa ia dena erantziz
ez dakit zer nahi den lortu
kanpokaldea erakutsi o
barrukaldea tapatu. (bis)

S. Lizaso

Kanpo ta barru bere erara
osatzen dirade fedez
zer ari zera konponezina
nola konpon leiken galdez?
Soberan zaude zeure kargutik
dimititu zuk mesedez
Aita Santuak egin bazuen
apaiz zaharrak zergatik ez? (bis)