BDB Bertsolaritzaren datu-basea

Informazio orokorra

Kategoria

Bat-batekoa

Saioa

2013-07-28 Donostia Jaialdia

Gai-emailea

Azpiroz Iztueta, Asier

Bertsolariak / Egileak

Laburu, Agin

Soto, Julio

Lana

Binaka gaia-emanda

Jarritako gaia

Agin, hi ere atzo parrandan ibilita hago. Kostata baina esnatu haiz, begiak ireki dituk, eskua luzatu duk mesanotxera, eta hor papertxo bat, ohartxo bat, aurkitu duk. "Oso ondo pasatu dut zurekin. Behar banauzu, deitu". Azpian telefono zenbaki bat ageri zen. Hamar-hamabost minutuz zalantzan egon zara, deitu ez deitu. Azkenean, deitu duzu, eta Juliok hartu dizu telefonoa.

Deskribapena

Doinua

Mundu hau uzten bazun

Neurria / Estrofaren izena

Hamarreko txikia (hg) / Bost puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2013-07-28 Donostia Jaialdia [Bertsoa] / Agin Laburu, Julio Soto

Neurria:  Hamarreko txikia (hg) / Bost puntuko txikia (ip) 
Kokapena:  XDZ - Xenpelar Dokumentazio Zentroa 

---

A. Laburu

Bederatzi zenbaki
sakaturik kontuz
gogoratu nayian
atzo gaueko suz
baina oraindik nola
ez nahastu pausuz?
Kaixo egun on zuri
gaur goizeko orduz
ondo pasa zenuen
eta nik zer moduz?

J. Soto

Gauaren hasieran
txupito vodzka-ron
ta egin behar denez
dagonean bonbon
guk hala egin genun
bestea hor konpon!
"Nik zer moduz pasa nun?"
aizu egon egon!
Despistatuarena
ez egin tontorron!

A. Laburu

Nik maite ditut oso
bikote gaztiak
ahots femeninoak
leun ta eztiak
honek ahots zakarra
gizon ta ostiak...
Horrelako konturik
aipatze ez diak...
Merezi al du benetan
gogoraraztiak?

J. Soto

Memoria frestaku
nahiko zizun kartak
kendu nizkizun galtzak
zuk niri abarkak
hemengo uju eta
hango zalapartak
momentu ahaztezinak
momentu apartak
oaindik ez zaizkit joan
latigoan markak!

A. Laburu

Ez dakit ba esnatu
ote naizen garaiz
edo oraindik gauden
atzoko ameskaitz.
Kasik hobe nun sartu
izan banintz apaiz
maitasuna itsua
izate omen da maiz
ta ni ONCEko kupoiak
saltzen hasiko naiz.

J. Soto

Gaua iluna baino
gure eguzkia
ni zure mago eta
zu nire aztia
mahian, sofan, sukalden
gaina ta azpia.
Orain kupoiak saltzen
zure angustia
nik erosiko dizut
serie guztia.