Bertsoak - Fitxa ikusi Atal honi buruz gehiago jakiteko
2013-09-21 Lesaka Jaialdia [Bertsoa] / Erika Lagoma
2013-09-21 Lesaka Jaialdia [Bertsoa] / Erika Lagoma
Neurria:
Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip)
Kokapena:
XDZ - Xenpelar Dokumentazio Zentroa
Amatasuna marrazten dute
borobila ta arroxa
baina guztiak izan dezake
gordeta punta zorrotza.
Zortzi hilabetez tripa haundidun
eta neskatxa panpoxa
kirofanoa zen hotza
ez zen oso aproposa.
Espulsiboan paratu nintzen
eta ez zen izan motza
bi ume eder erditu nitun
eta ze-nolako poza! (bis)
Gauetan erne goizetan berdin
zinez hau ez da jolasa
eta batzutan pentsa dezaket
ni ez naizela kapaza.
Triste egotean hartu ohi diot
ejerzitoaren traza
beti inguruan saltsa
ta uzkurtzen zait arraza.
Egunak luze jada bi urte
aurretikan zaizkit pasa
eta batzutan ez dakit nondik
hartu daitekeen arnasa. (bis)
Momentu onak ere badaude
atera diet etekin
ahal denean begiak itxi
eta egunari ekin.
Egun batzutan siesta luzea
egiten dute behinepin
beti gaude elkarrekin
eta dena ez da samin.
Nere amak sarri abisau zidan
"Erika hartuko duzu min"
baina amari horretan ere
ez nion kasorik egin. (bis)
Datu-base honetan eskainitako informazioari buruz jakiteko, kontsultatu lege oharra